ARKADAGYŇ AK ŞÄHERI
04-05-21
Gahryman Arkadagymyzyň taýsyz tagallalary bilen gözel paýtagtymyz ekologiýa taýdan arassa, ak mermere beslenen binalary bilen dünýäniň iň owadan şäherleriniň birine öwrüldi. Gurulýan ajaýyp binalar, ýaşaýyş jaý toplumlary dünýä ülňülerine laýyklykda, milli binagärlik ýörelgelerimiz bilen sazlaşýar.
Hormatly Prezidentimiziň halkymyzyň ýaşaýyş-durmuşyny has-da gowulandyrmak ugrunda alyp barýan işleriniň netijesinde gözel şäherimizi ençeme desgalaryň, ýaşaýyş toplumlarynda ýüzlerçe binalaryň gurulmagy müňlerçe maşgalalaryň täze jaýlara göçüp barmagyna getirdi. Gurulýan ähli binalar dünýä ülňülerine laýyklykda bezeg aýratynlygy bilen tapawutlanýar, ýokary amatlyklary bolan innowasion tehnologiýalar bilen üpjün edilýär. Öz gözelligi bilen birnäçe gezek Ginnesiň Bütindünýä rekordlar kitabynda orun alan gözel paýtagtymyzyň binagärlik özboluşlylygynyň kemala gelmeginde hormatly Prezidentimiziň taýsyz tagallalarynyň durandygyny aýratyn bellemelidiris.
Berkarar döwletimiziň bagtyýarlyk döwründe ýurdumyzyň ähli ýerlerinde bolşy ýaly, paýtagtymyzda hem maşgalalaryň müňlerçesi ähli şertler bilen üpjün edilen ajaýyp binalarda täze öýleriň, şeýle hem kottej görnüşli jaýlaryň bagtyýar eýeleri boldular. Ähli amatlyklary bolan ýaşaýyş jaýlaryna müňlerçe maşgalalaryň göçüp barmagy döwrüň möhüm aýratynlygy bolup, onuň belent döredijilik hem-de ynsanperwer ýörelgeleriniň beýanyna öwrülýär. Gahryman Arkadagymyzyň taýsyz tagallalarynyň netijesinde ýurdumyzy ösdürmek babatdaky toplanylan oňyn tejribe häzirki wagtda dünýä jemgyýetçiliginiň ünsüni özüne çekýär. Şunda Aziýanyň merjen şäherine öwrülen ak şäherimiz Aşgabadyň toplumlaýyn ösüşleri, onuň täsin keşbi ähli türkmenistanlylarda bolşy ýaly, daşary ýurtly myhmanlarda hem ýakymly duýgulary döredýär. Döwlet Baştutanymyz Aşgabatda ýaýbaňlandyrylan giň möçberli şähergurluşyk maksatnamasynyň üstünlikli berjaý edilmegini gazanmak maksady bilen amala aşyrylýan işleriň barşy bilen yzygiderli tanşyp, bu ugurdaky işleriň durmuşa geçirilişini berk gözegçilikde saklaýar.
Ýylyň islendik paslynda ajaýyplygy bilen haýrana goýýan paýtagtymyzyň döredilenine 25-nji maýda 140 ýyl dolýar. Şanly toýuny toýlaýan ýurdumyzyň baş şäheriniň dürli öwüşginler bilen çar ýana nur saçýan suw çüwdürimleri, salkyn saýaly baglara bürenen seýilgähleri aýratyn gözellige, özüne çekiji tebigy häsiýete eýedir. Her bir güni toýdur baýrama beslenýän bagtyýarlyk döwrüni halkymyza peşgeş beren hormatly Prezidentimiziň jany sag, ömri uzak, il-ýurt bähbitli, umumadamzat ähmiýetli tutýan tutumly işleri rowaç bolsun!
Aýman ERKÄÝEWA,
Türkmen döwlet binagärlik-gurluşyk institutynyň mugallymy.
“Dialog – parahatçylygyň kepili”
Türkmen halkynyň Milli Lideri, Gahryman Arkadagymyz tarapyndan teklip edilen: “Dialog – parahatçylygyň kepili” atly filosofiýasy, Türkmenistan bilen Birleşen Milletler Guramasynyň arasynda ýola goýlan hyzmatdaşlygyň netijeli hemde köpugurly häsiýete eýe bolýandygyny subut edýär.
SABYRLYLYK, SAGLYK — ÖMRÜMIZIŇ BEZEGI
Akyldar şahyrymyz Magtymguly Pyragy öz halkynyň görer gözi, sözlär dili, ruhy çyragy, beýik maslahatçysy, synmaz söýgisi bolup gelýär. Dana Pyragynyň çeper tematikasy baý we köptaraplydyr. Olardan islendik mesele dogrusynda degerli pikir-parasat alyp bolýar. Akyldar Magtymguly Pyragy il-gününiň saglygy hakyndaky meseläni hem öz şygyr setirlerine siňdiripdir.
ÝAŞLARA GÖRELDE, ÝÖRELGE ESER
Berkarar döwletiň täze eýýamynyň Galkynyşy döwründe Gahryman Arkadagymyzyň başyny tutan ýaşlar baradaky döwlet syýasaty bu gün hormatly Prezidentimiziň parasatly ýolbaşçylygynda üstünlikli dowam etdirilýär. Türkmen jemgyýetinde hakyky watançy şahsyýetleriň neslini kemala getirmek ugrunda dünýä nusgalyk işler alnyp barylýar.
«ÄNEW-MÜŇÝYLLYKLARDAN GÖZBAŞ ALÝAN MEDENIÝET»
Berkarar döwletiň täze eýýamynyň Galkynyşy döwründe watanymyzyň her bir güni türkmen halkynyň Milli Lider Gahryman Arkadagymyz, Arkadagly Gahryman Serdarymyzyň saýasynda uly ösüşlere, taryhy özgerişlere beýik ýeňişlere beslenýär.
«Dostluk bagy boý alsyn, dünýä dolsun bossana!»
Hormatly Prezidentimiziň parasatly baştutanlygynda Garaşsyz baky Bitarap Türkmenistan döwletimiz ösüşleriň belent sepgidini nazarlap ynamly gadamlar bilen öňe barýar. Hormatly Prezidentimiziň parasatly baştutanlygynda ýurdumyz depginli we yzygiderli daşary syýasat strategiýasyny durmuşa geçirýär hem-de halkara gatnaşyklar ulgamynda mynasyp orun eýeleýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.