GALLALY MEÝDAN – TYLLALY MEÝDAN
11-11-24
Ene ýeriň hakyky eýeleri bolan gallaçy daýhanlaryň arly ýyllap çeken yhlasly zähmetleri ýerine düşendiginiň alamaty hökmünde ak bugdaýly pellerde nurlanýan bol galla hasyly buýsanjyňy goşalandyrýar. Babadaýhanlarymyza berilýän ýeňilliklerden giňden peýdalanyp, ýurdumyzda azyk bolçulygyny döretmek işine oba hojalyk işgärleri saldamly goşant goşýar. Gallanyň bol hasylynyň ýygnalmagy bolsa Watanymyzyň ak ekinli meýdanlarynda hyjuwly zähmetiň joşmagyny alamatlandyrýar.
Däp bolşy ýaly, «Pähim-paýhas ummany Magtymguly Pyragy» ýylynda hem gallanyň bol hasyly ýygnalyp, Watan harmanyna tabşyryldy. Arkadagly Gahryman Serdarymyzyň ýurdumyzyň her welaýatyna toý sapary bilen baryp galla oragyna başlamaga ak pata berilmegi zähmetkeş babadaýhanlarymyzy täze zähmet üstünliklerine ruhlandyrýar. Mälim bolşy ýaly, galla orýan kombaýnlaryň bökdençsiz işini üpjün etmek, ýygnalan dänäni meýdanlardan kabul ediş bölümlerine, elewatorlara, ammarlara daşamak işleri üstünlikli ýerine ýetirilýär.
Ýeri gelen-de aýratyn nygtamaly zatlaryň biri-de döwrebap ýük ulaglarynyň häzirki döwürde ýetişdirilen galla hasylyny kabul ediş bölümlerine, elewatorlara we ammarlara daşamak işine mynasyp goşant goşýandyklarydyr. Ýurdumyzda gallanyň bol hasylynyň alynmagy azyk garaşsyzlygynyň üpjün edilmeginde möhüm ähmiýete eýedir. Şonuň netijesinde Türkmenistan azyklyk gallany eksport edýän döwletleriň hataryna goşuldy. Bu ajaýyp üstünlik döwletimiziň we Gahryman Arkadagymyzyň hem-de Arkadagly Gahryman Serdarymyzyň oba hojalygyny ösdürmek baradaky tagallalary, edermen daýhanlarymyz hakyndaky irginsiz aladalarynyň netijesinde gazanyldy.
Ähli ulgamlar, ähli pudaklar bilen birlikde biziň Türkmen oba hojalyk institutymyzda hem bu möhüm jogapkärli möwsüme galla hasylyny ýetişdirmekde mynasyp goşant goşmak ugrunda guramaçylykly işler alnyp barylýar. Ýokary okuw mekdebimiziň talyp ýaşlary özleriniň nazaryýetde alan bilimlerini tejribelikler arkaly çuň özleşdirmekde Daşoguz welaýatynyň öňdebaryjy hojalyklarynda bolup yzygiderli kämilleşýärler. Ýokary okuw mekdebiniň talyplary «Pähim-paýhas ummany Magtymguly Pyragy» ýylynda ýetişdiren guşgursak ak bugdaýly pellerde bolmaklary aýratyn täsirlere beslenýär. Talyp ýaşlar bu ýokary okuw mekdebiniň Okuw-tejribe hojalygynda ylmy esasda ýetişdirilen bugdaýly meýdanlarda bolup, hormatly Prezidentimiziň daşary ýurtlardan sowgat beren “CLAAS” kysymly kombaýynlaryna erk edip bugdaý oragyna işjeň gatnaşýarlar.
Bagtyýar talyplar ak bugdaýyň ideg işleri, ösdürilip ýetişdiriliş aýratynlyklary, sortlar boýunça aýratyn saklanyş şertleri bilen içgin tanyş boldular. Bu ýerde halypa mugallymlar hem-de tejribeli mehanizatorlar bol hasyly isripsiz ýygnamakda mehanizatorlara möhüm ugruň degişlidigi, şonuň üçin bu hünäri ele almagyň inçe tilsimleri barada özleriniň degerli maslahatlaryny berdiler. Şu babatda geljekki oba hojalyk hünärmenlerine halypa mehanizatorlar, tejribeli hünärmenler, ýokary okuw mekdebiniň halypa mugallymlary özleriniň ýakyndan kömeklerini berýärler, iş usullaryny ele almaklyk üçin şert döredýärler.
Galla - durmuş. Hasyl - ýeňiş. Durmuş-bagtyýar. Galla halkyň baýlygy, Watanyň ykdysady kuwwaty. Galla öndürip bilýän ýurt umumyadamzat taryhyna gaýtalanmajak gymmatlyklary goşup bilýän döwletdir. Biziň ýurdumyz hem şeýle bagta eýe bolan döwletdir.
Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Begenç BEGENÇEW,
Türkmen oba hojalyk institutynyň Gidromeliorasiýa hünäriniň 1-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.