Awazada ýylyň möhüm çäresi geçiriler
30-07-25
Ýakyn günlerde Awaza dünýäniň köp ýurtlaryndan geljek myhmanlary kabul eder. Belli bolşy ýaly, şu ýylyň 11-nji aprelinde BMG-niň Baş Assambleýasynyň 79-njy sessiýasynyň 63-nji plenar mejlisinde, şu ýylyň awgust aýynda Awazada BMG-niň Deňze çykalgasy bolmadyk ösüp barýan ýurtlar boýunça üçünji maslahatyny geçirmek barada Kararnama kabul edildi.
Bu bolsa Türkmenistanyň dünýä derejesindäki belent abraýynyň hem-de ählumumy hyzmatdaşlygyň ösdürilmegindäki ornunyň ykrar edilýändiginiň aýdyň subutnamasydyr. Geçiriljek çärä berilýän goldaw we ähmiýet Türkmenistanyň BMG-niň ýöriteleşdirilen edaralary we bu halkara guramanyň ýolbaşçylary bilen oňyn, netijeli hyzmatdaşlygyny ýola goýýandygyny görkezýär.
Türkmenistan bu möhüm halkara çärä taýýarlygyny örän jogapkärçilikli alyp barýar. Şu ýylyň 4-nji iýulynda Türkmenistanyň Prezidenti Serdar Berdimuhamedow şeýle giň gerimli çäräniň ýokary guramaçylyk derejesinde geçirilmegini üpjün etmek maksady bilen, şu ýylyň awgust aýynda Awazada BMG-niň Deňze çykalgasy bolmadyk ösüp barýan ýurtlar boýunça üçünji maslahatyny geçirmek baradaky Karara gol çekdi.
Maslahatyň çäklerinde syýasy-diplomatik, söwda-ykdysady hem-de medeni-ynsanperwer ugurlar boýunça köpsanly çäreleriň geçirilmegi meýilleşdirilýär. Oňa 30-dan gowrak döwletiň, şol sanda hökümet ýolbaşçylarynyň, BMG-niň ýolbaşçylarynyň gatnaşmagyna garaşylýar.
Mazmunly gepleşikler, innowasion pikirler, köpçülikleýin islegler we öňdebaryjy tejribäniň alyş-çalşygy ähli gatnaşyjy ýurtlaryň bilelikdäki mümkinçiliklerini doly açar. Deňze çykalgasy bolmadyk ösüp barýan ýurtlaryň ösmegine we durnukly ösüşine ýetmek üçin diňe bilelikde hereket etmek arkaly mümkin bolup, Awazada geçiriljek maslahat bu hereketlere güýçli itergi berer.
BMG-niň Deňze çykalgasy bolmadyk ösüp barýan ýurtlar boýunça üçünji maslahaty bu döwletleriň öňündäki kynçylyklary ýeňip geçmekde, olaryň bar bolan mümkinçiliklerini doly durmuşa geçirmekde täze çözgütleri tapmaga we hyzmatdaşlygy pugtalandyrmaga goşant goşar. Bu bolsa has adalatly we bagtyýar geljegi gurmak üçin goşmaça mümkinçilik bolup durar.
Çemen KAKAYŞOWA,
Myrat Garryýew adyndaky Türkmenistanyň Döwlet lukmançylyk uniwersitetiniň Diller kafedrasynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.