CRRC ZIYANG CO., LTD ZAWODYNDA DÜÝPLI ABATLAÝYŞ IŞLERI GEÇIRILDI
21-07-25
Berkarar döwletiň täze eýýamynyň Galkynyşy döwründe ýurdumyzda ulag-kommunikasiýa ulgamynyň maddy enjamlaýyn binýadyny berkleşdirmek, döwrüň talabyna laýyklykda enjamlaşdyrmak, olaryň hyzmat ediş kuwwatyny ýokarlandyrmak we degişli pudaklarda zähmet çekýän hünärmenleriň oňaýly şertlerde ýaşamaklary şeýle hem işlemekleri üçin ýokary derejeli mümkinçilikleriň döredilmegi babatda ençeme taslamalar durmuşa geçirilýär.
Türkmenistan «Beýik ýüpek ýoluny gaýtadan dikeltmek» bilen bir hatarda şol ýolyň çäginden geçýän ýurtlar bilen hyzmatdaşlygy has-da jebisleşdirmek işini esasy maksat edinýär. Türkmen-hytaý dost-doganlyk gatnaşyklary, ikitaraplaýyn we köptaraplaýyn şeýle hem uzakmöhletleýin hyzmatdaşlygy munuň aýdyň mysalydyr.
Türkmenistanyň dizel lokomotiwleri Hytaýyň CRRC Ziyang Lokomotiw Co., Ltd. kompaniýasynyň degişli zawodynda düýpli abatlaýyş we döwrebaplaşdyryş işlerini üstünlikli geçirdi. Lokomotiwler 18-nji iýulda gurnama liniýasyndan üstünlikli çykdy şeýle hem ýakyn wagtda ýurdumyzyň demir ýollarynda işini dowam etdirmek üçin Türkmenistana getiriler.
2024-nji ýylyň ahyrynda CRRC Ziyang kompaniýasy, «Demirýollary» AGPJ bilen bu lokomotiwleri yzygiderli abatlamak we tehniki taýdan täzeden enjamlaşdyrmak barada şertnama baglaşypdy. Lokomotiwleriň bir topary 2025-nji ýylyň maý aýynda CRRC Ziyang zawodyna geldi. Taslama dizel hereketlendirijileri we elektrik ulgamlary ýaly esasy komponentleri takyk bejermek bilen baglanyşykly bolup mundan başga-da, lokomotiwler täze «akylly» ulgam ýagny «akylly» tehnologiýa enjamlary bilen enjamlaşdyryldy.
CRRC Ziyang bilen Türkmenistan demir ýollarynyň arasyndaky hyzmatdaşlyk 2004-nji ýylda başlandy we yzygiderli ösýär. Ýönekeý eksportdan ulaglar, ätiýaçlyk şaýlar we zawod abatlaýyşy ýaly köptaraplaýyn hyzmatdaşlyga öwrüldi. CRRC Ziyang kompaniýasy şu güne çenli Türkmenistana 294 lokomotiw eksport etdi.
Paýtagtymyzda Türkmen-hytaý işewürler forumy geçirildi
29-njy aprelde Söwda-senagat edarasynda Türkmen-hytaý işewürler forumy geçirildi. Onuň dowamynda Türkmenistan bilen Hytaýyň arasynda dürli ugurlarda özara bähbitli hyzmatdaşlygy mundan beýläk-de ösdürmegiň meseleleri ara alnyp maslahatlaşyldy.
IŞEWÜRLIK FORUMY WE SERGISI: uzak möhletleýin dostlukly gatnaşyklaryň täze sahypasy
29-njy aprelde paýtagtymyzyň Söwda-senagat edarasynda Türkmen-hytaý işewürler forumy we sergisi guralýar. Mälim bolşy ýaly, türkmen-hytaý gatnaşyklary öz gozbaşyny müňýyllyklardan alyp gaýdýar. Halklarymyzyň arasynda Beýik Ýüpek ýoly arkaly asyrlarboýy ösdürilen söwda-ykdysady we medeni gatnaşyklar dünýä siwilizasiýasynyň ösüşine, adamzat ýaşaýşynyň özgermegine özboluşly goşant goşupdyr.
«Ak şäherim Aşgabat» forumy: «Aşgabat 2045» strategik ugruna gönükdiriler
Türkmenistanyň paýtagtynda geçiriljek «Ak şäherim Aşgabat» atly XXV köpugurly halkara sergä we maslahata taýýarlyk işleri batly gadamlar bilen dowam edýär. 24-25-nji maý günlerinde guraljak bu ýubileý forumy Aşgabat şäheriniň gününe bagyşlanyp, binagärlik, gurluşyk we senagat pudaklarynyň ösüşini halkara derejede ara alyp maslahatlaşmaga şert döreder. Bu barada «Türkmenistan: Altyn asyr» elektron gazeti habar berdi.
Aşgabatdaky awtoulag kärhanasy ýük awtoulaglarynyň sürüjilerini işe çagyrýar
Türkmenistanyň Awtomobil ulaglary ministrliginiň Aşgabatdaky awtoulag kärhanasy "KamAZ 6520" kysymly awtoulaglary dolandyrmak üçin “C” derejeli sürüjilik şahadatnamasy bolan raýatlary işe çagyrýar.
Türkmenabat halkara howa menzili halkara bäsleşik yglan edýär
Türkmenistanyň “Türkmenhowaýollary” döwlet gullugynyň Türkmenabat halkara howa menzili ýöriteleşdirilen awtoulaglary üçin dürli görnüşli tekerleri satyn almak boýunça kotirowka görnüşde halkara bäsleşik yglan edýär
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.