Türkmenistanda Ulag we kommunikasiýalar agentligi ýatyrylyp, täze ministrlikler we gulluklar döredildi
11-07-25
Türkmenistanyň Ministrler Kabinetiniň ýanyndaky Ulag we kommunikasiýalar agentligi ýatyryldy. Onuň garamagyndaky «Türkmendemirýollary» agentliginiň, «Türkmenaragatnaşyk» agentliginiň hem-de «Türkmenawtoulaglary» agentliginiň işi bes edilip, olaryň binýadynda, degişlilikde, Türkmenistanyň Demir ýol ulaglary ministrligi, Türkmenistanyň Aragatnaşyk ministrligi hem-de Türkmenistanyň Awtomobil ulaglary ministrligi döredildi. «Watan» habarlar gepleşiginde habar berlişi ýaly, Türkmenistanyň Prezidenti Serdar Berdimuhamedow şu gün alty aýyň jemlerine bagyşlanyp geçirilen giňişleýin Hökümet mejlisinde degişli Permana gol çekdi.
Resminama laýyklykda, «Türkmenhowaýollary» agentligi we «Türkmendeňizderýaýollary» agentligi, degişlilikde, «Türkmenhowaýollary» döwlet gullugy we Türkmenistanyň Deňiz we derýa ulaglary döwlet gullugy diýlip atlandyryldy hem-de olar Türkmenistanyň Ministrler Kabinetiniň tabynlygyna berildi.
Permanda Türkmenistanyň demir ýol ulaglary ministriniň iki orunbasarynyň, Türkmenistanyň aragatnaşyk ministriniň üç orunbasarynyň, Türkmenistanyň awtomobil ulaglary ministriniň iki orunbasarynyň, «Türkmenhowaýollary» döwlet gullugynyň başlygynyň iki orunbasarynyň hem-de Türkmenistanyň deňiz we derýa ulaglary döwlet gullugynyň başlygynyň iki orunbasarynyň bolmalydygy bellenilýär.
Türkmenistanyň Demir ýol ulaglary ministrligi, Türkmenistanyň Aragatnaşyk ministrligi hem-de Türkmenistanyň Awtomobil ulaglary ministrligi, degişlilikde, işini bes eden «Türkmendemirýollary» agentliginiň, «Türkmenaragatnaşyk» agentliginiň hem-de «Türkmenawtoulaglary» agentliginiň hukuk oruntutarlary diýlip kesgitlenildi.
Şeýle-de Permanda Türkmenistanyň Demir ýol ulaglary ministrliginiň, Türkmenistanyň Aragatnaşyk ministrliginiň, Türkmenistanyň Awtomobil ulaglary ministrliginiň, «Türkmenhowaýollary» döwlet gullugynyň, Türkmenistanyň Deňiz we derýa ulaglary döwlet gullugynyň Türkmenistanyň Maliýe we ykdysadyýet ministrligi, Türkmenistanyň Zähmet we ilaty durmuş taýdan goramak ministrligi hem-de Türkmenistanyň Adalat ministrligi bilen bilelikde, degişlilikde:
1. Türkmenistanyň Demir ýol ulaglary ministrligi, Türkmenistanyň Aragatnaşyk ministrligi, Türkmenistanyň Awtomobil ulaglary ministrligi, «Türkmenhowaýollary» döwlet gullugy, Türkmenistanyň Deňiz we derýa ulaglary döwlet gullugy hakynda Düzgünnamalaryň, olaryň merkezi edaralarynyň gurluşlarynyň taslamalaryny hem-de işgär sanynyň we ýolbaşçylarynyň aýlyk zähmet haklarynyň möçberlerini;
2. Permandan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamalydygy hem-de Ministrler Kabinetine bermelidigi barada aýdylýar.
Perman ýurtda ulag we aragatnaşyk toplumyny dolandyrmagy has-da kämilleşdirmek maksady bilen kabul edildi.
Türkmenistan, Azerbaýjan we Özbegistan lomaý-paýlaýyş merkezleriniň ulgamyny döreder
Azerbaýjan, Özbegistan we Türkmenistan durnukly söwda-logistika zynjyrlaryny ösdürmek maksady bilen bilelikdäki lomaý-paýlaýyş merkezleriniň ulgamyny döretmegi meýilleşdirýärler. Bu barada Özbegistan Respublikasynyň Maýa goýumlar we daşary söwda ministri Laziz Kudratow 22-nji awgustda Awazada geçirilen “Türkmenistan–Azerbaýjan–Özbegistan” üçtaraplaýyn duşuşygynyň çäklerinde “Özbegistan-24” teleýaýlymyna beren interwýusynda mälim etdi.
Türkmenistan daşary işler ministri Moskwada rus kärdeşi bilen duşuşyk geçirdi
Türkmenistanyň Daşary işler ministri Raşid Meredow Moskwada rus kärdeşi Sergeý Lawrow bilen gepleşikler geçirdi. Duşuşyk ikitaraplaýyn gatnaşyklaryň berkidilmegine we dürli ugurlarda hyzmatdaşlygyň ösdürilmegine bagyşlandy. Bu barada Russiýa Federasiýasynyň DIM-i gepleşikleriň netijesi boýunça bilelikdäki metbugat beýanatynda habar berdi.
Türkmenistanyň hemişelik Bitaraplygy — parahatçylygyň we ösüşiň binýady
Türkmenistanyň hormatly Prezidentimiziň baştutanlygynda halkara giňişlikde giň goldawa eýe bolýan daşary syýasat strategiýasy hemişelik Bitaraplyk hukuk derejesine esaslanýar. Bu özboluşly doktrina parahatçylykly ýaşamak, sebitde howpsuzlygy, durnukly ösüşi üpjün etmek üçin binýat bolup, 30 ýylyň dowamynda ýurdumyza ygtybarly hyzmatdaş we dünýä prosesleriniň işjeň agzasy hökmünde çykyş etmäge mümkinçilik berýän netijeli gurala öwrüldi.
Aşgabatda noýabrda «CIET 2025» halkara maslahaty geçiriler
Şu ýylyň noýabr aýynda Aşgabat ýene-de bir gezek halkara ünsi özüne çeker, bu ýerde köpden bäri garaşylýan pudagara innowasiýalar, maýa goýumlary we hyzmatdaşlyk babatda ýurdumyzyň öňdebaryjy çäresi «Türkmenistanyň gurluşyk, senagat, himiýa, energetika pudaklarynyň ösüşi» («CIET 2025») atly halkara maslahaty geçiriler.
Durnukly arabaglanyşyk — durnukly ösüş
«Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde geçirilen «Arabaglanyşyk: araçägiň daşyndaky sanly mümkinçilikler» atly çäre bu ýurtlarda ýokary ulag çykdajylary, üstaşyr geçelgelere zerurlyk we ykdysadyýeti diwersifikasiýalaşdyrmakda mümkinçilikleriň çäkli bolmagy bilen bagly meseleleri çözmekde sanly özgertmeleriň ornuna bagyşlandy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.