Aragatnaşyk we awiasiýa pudagynda maslahat geçirildi
09-07-25
9-njy iýulda, Türkmenistanyň Jemgyýetçilik guramalarynyň merkezinde Türkmenistanyň Kärdeşler arkalaşyklarynyň Awiasiýa we aragatnaşyk işgärleriniň KA-nyň Geňeşiniň guramagynda «Halypalaryň tejribe mekdebi şägirtlere görelde hem ýörelge» atly sorag-jogaply duşuşyk maslahaty geçirildi.
Maslahatyň başynda aragatnaşyk we awiasiýa pudagynda saýlan hünärine ýürekden, yhlasly çemeleşip, zähmet çekýän ussat halypalar uzak ýyllaryň dowamynda toplan baý tejribesi barada gürrüň berdiler.
Şeýle hem maslahatyň dowamynda innowasion döwürde döwletimiziň halkara abraýy, sanly ykdysadyýetde gazanylýan ösüşler, akylly tehnologiýalaryň dürli ulgamlara giňişleýin ornaşdyrylmagy we kämil hem akylly serişdeleriň adamlaryň gündelik durmuşynda döredýän amatlyklary barada sorag-jogap arkaly öz-ara pikir alyşyldy.
Emeli aňyň durmuş şertlerinde giň gerim alýandygy göz öňünde tutulyp, häzirki wagtda giňden ulanylýan ses kömekçileri we söhbet gutulary mysal getirildi. Çünki, olaryň diňe soraglara jogap bermek bilen çäklenmän, zehinli maslahatçy hökmünde hem gürrüňdeş bolýandygy bellenildi.
Aragatnaşyk pudagynda zähmet çekýän halypalar öz gezeginde: «Sanly hyzmatlar bolan elektron tölegler, onlaýn söwda, uzak aralykdan okuwlar, internet sergileri we beýlekiler biziň gymmatly wagtymyzyň we serişdelerimiziň tygşytlanmagy we hyzmatlaryň tiz wagtda ýerine ýetirilmegi ýaly amatlyklary döredýär» diýip belläp geçdiler.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Kaşgarda Hytaýdan Türkmenistana çenli täze multimodal ýük gatnaw ugry işe girizildi
Hytaý, Gyrgyzystan, Özbegistan we Türkmenistan tarapyndan täze multimodal ýük gatnaw ugry işe girizildi. Açylyş dabarasy 15-nji oktýabrda Hytaýyň Sinszýan-Uýgur awtonom welaýatynyň Kaşgar şäherinde geçirildi. Şol ýerden ýedi ýük ulagynyň Gyrgyzystan serhedine tarap ugrandygy habar berildi.
Türkmenistanyň gümrük çägine getirilýän harytlar barada gümrük edaralaryna deslapky maglumaty bermegiň ähmiýeti
Türkmenistanyň Döwlet gümrük gullugy gümrük amallaryny ýeňilleşdirmek we söwda ýardam bermek maksady bilen, häzirki zaman sanly tehnologiýalary işjeň ulanmak ugrunda işleri dowam etdirýär.
Türkmenistan ASEAN ýurtlaryny logistika mümkinçilikleri bilen tanyşdyrdy
Malaýziýanyň halkara söwda we senagat palatasy (Malaysian International Chamber of Commerce and Industry) bilen Malaýziýanyň kiçi telekeçilik konsorsiumynyň (Malaysian Consortium of Mid-Tier Companies) bilelikde guramagynda, ASEAN ýurtlarynyň Merkezi Aziýa döwletleriniň üsti bilen, olaryň araçäkleriniň amatly ýol-ulag ugurlaryny öwrenip, gelejekde ony ösdürmek boýunça halkara maslahaty gurnalyp geçirildi.
Türkmenistanyň Deňiz we derýa ulaglary döwlet gullugy bäsleşigiň möhletini uzaldýar
Türkmenistanyň Deňiz we derýa ulaglary döwlet gullugy Ro-Ro görnüşli iki sany demir ýol parom gämilerini we bir sany gury ýük gämisini taslamalaşdyrmak, üpjün etmek we gurluşygyny dolandyrmak boýunça bäsleşigiň möhletini noýabryň 4-ne çenli uzaldýar
Türkmenistanda “ITTC-2025” halkara ulag forumy geçiriler
Türkmenistanyň paýtagty Aşgabatda şu ýylyň 12–14-nji noýabry aralygynda «Halkara ulag-üstaşyr geçelgeleri: özara arabaglanyşyk we ösüş — 2025» atly IV halkara maslahaty we sergisi geçiriler. Şu gezekki forum durnukly ulag ulgamyny ösdürmek hem-de pudagyň sanlylaşdyrylmagy babatynda gazanylýan üstünlikler nukdaýnazaryndan möhüm ähmiýete eýe bolar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.