PREZIDENT SERDAR BERDIMUHAMEDOW OBA MILLI MAKSATNAMASYNYŇ ÝERINE ÝETIRILIŞI BILEN BAGLY MESELELERE SERETDI
31-10-24
28-nji oktýabrda Prezident Serdar Berdimuhamedow wise-premýer T.Atahallyýewiň hem-de welaýatlaryň häkimleriniň gatnaşmagynda iş maslahatyny geçirdi. "Watan" habarlar gepleşiginde habar berlişi ýaly, iş maslahatynda ýurduň oba hojalyk toplumynda we welaýatlarynda alnyp barylýan işler, Oba milli maksatnamasynyň ýerine ýetirilişi bilen baglanyşykly meselelere garaldy.
Welaýatlaryň häkimleri möwsümleýin oba hojalyk işleriniň barşy barada hasabatlary berdiler.
Prezident Serdar Berdimuhamedow hasabatlary diňläp, möwsümleýin oba hojalyk işleriniň ýokary hilli we guramaçylykly ýerine ýetirilmelidigini belledi we bu babatda häkimlere anyk tabşyryklary berdi.
Döwlet Baştutany degişli maksatnamalara laýyklykda şu ýyl welaýatlarda açylyp ulanmaga berilmegi meýilleşdirilen medeni-durmuş, önümçilik maksatly desgalarda gurluşyk işleriniň öz wagtynda we ýokary hilli ýerine ýetirilmegini gözegçilikde saklamagy tabşyrdy.
Prezident Serdar Berdimuhamedow iş maslahatyna gatnaşyjylara ýüzlenip, ýurduň oba hojalygy pudagynda jogapkärli döwrüň --- pagta ýygymy möwsüminiň dowam edýändigini we ýygymyň depginini has-da güýçlendirmegiň, hasyly gysga wagtda, ýitgisiz ýygnap almak üçin ähli zerur işleri talabalaýyk geçirmegiň möhümdigini belledi. Şunuň bilen baglylykda, ýygymda kombaýnlaryň we beýleki tehnikalaryň, pagta arassalaýjy kärhanalaryň hem-de kabul ediş harmanhanalarynyň doly güýjünde we netijeli işledilmegini üpjün etmegi, bu işleriň öz wagtynda, ýokary hilli ýerine ýetirilmegine aýratyn üns bermegi tabşyrdy.
Döwlet Baştutany welaýatlarda bugdaý ekişiniň agrotehniki möhletlerde we kadalara laýyklykda geçirilmegine berk gözegçilik etmegi, ekişde ulanylýan tehnikalaryň we gurallaryň netijeli işledilmegini üpjün etmegi hem-de beýleki degişli tabşyryklary berdi.
Prezident Serdar Berdimuhamedow welaýatlarda hyzmat ediji edara-kärhanalar bilen 2024-nji ýylyň pagta hasyly, 2025-nji ýylyň bugdaý hasyly üçin ýerine ýetirilen işler üçin hasaplaşyklaryň öz wagtynda geçirilmegini üpjün etmegi tabşyrdy.
Döwlet Baştutany Daşoguz we Lebap welaýatlarynda ýetişdirilen şaly hasylynyň gysga wagtda we ýitgisiz ýygnalyp alynmagyny, Mary welaýatynda bolsa gant şugundyrynyň hasylynyň talabalaýyk, ýitgisiz ýygnalmagyny üpjün etmegi tabşyrdy.
Prezident Serdar Berdimuhamedow gyş paslynyň hem golaýlap gelýändigine ünsi çekip, welaýatlardaky bilim, medeniýet, dolandyryş, jemgyýetçilik we ýaşaýyş jaýlarynyň ýyladyş ulgamlarynyň kadaly işledilmegini üpjün etmegi, şeýle hem degişli maksatnamalara laýyklykda welaýatlarda şu ýyl üçin meýilleşdirilen işleriň öz wagtynda we ýokary hilli geçirilmegi babatda ähli zerur çäreleriň görülmelidigini tabşyrdу.
Annageldi Bäşimow,
Türkmen döwlet binagärlik-gurluşyk institutynyň Geodeziýa kafedrasynyň uly mugallymy.
Türkmenistan bilen Gazagystanyň portlary Hazar sebitinde ulag-logistika ugurlaryny ösdürmegi meýilleşdirýärler
Türkmenbaşy halkara deňiz portunyň ýolbaşçylary Gazagystana iş saparynyň çäklerinde ýurduň Aktau we Kuryk portlarynyň ýolbaşçylary bilen duşuşyk geçirdi. Duşuşygyň dowamynda taraplar ulag-logistika ugurlaryny ösdürmek meselelerine aýratyn üns berdiler. Bu barada Türkmenbaşy halkara deňiz portunyň resmi metbugat gullugy duşenbe güni habar berdi.
Türkmenistan bilen GIZ Transhazar geçelgesi boýunça hyzmatdaşlygy giňeldýär
Türkmenistanyň Söwda we daşary ykdysady aragatnaşyklar ministri Nazar Agahanow bilen Türkmenistandaky Germaniýanyň Halkara hyzmatdaşlyk boýunça jemgyýetiniň (GIZ) utgaşdyryjysy Ýoahim Frits 2024-nji ýylyň mart aýynda gol çekilen özara düşünişmek baradaky Ähtnama üýtgetmeler girizmek hakynda teswirnama gol çekdi. Resminama Türkmenistanda Transhazar ulag geçelgesiniň mümkinçiliklerini ösdürmek boýunça maksatnamanyň durmuşa geçirilmegini dowam etdirmegi göz öňünde tutýar.
Ulag ulgamynyň bilim binýady kämilleşýär
«Garaşsyz, baky Bitarap Türkmenistan — bedew batly at — myradyň mekany» ýylynda Arkadagly Gahryman Serdarymyzyň başda durmagynda ýurdumyzda döwrebap taslamalar, giň möçberli maksatnamalar durmuşa geçirilýär. Biz muny ýurdumyzyň gülleýän keşbinde, berkarar döwletimiziň ykdysady pudaklarynyň özgerişinde aýdyň görýäris. Ýurdumyzda ulag ulgamynyň ösdürilmegi, bu ugurda halkara hyzmatdaşlygyň umumadamzat bähbitlerine gönükdirilmegi hem täze mümkinçilikleri açýar.
Türkmenistan we ÝB Türkmenbaşy portunyň Transhazar geçelgesindäki ornuny berkitmegi maslahatlaşdylar
Türkmenbaşy halkara deňiz portunda Türkmenistanyň Deňiz we derýa ulaglary döwlet gullugynyň we portuň ýolbaşçy düzümi Ýewropa Bileleşiginiň (ÝB) Merkezi Aziýa we Owganystan boýunça bölüminiň başlygy Şarlotta Adrianyň ýolbaşçylygyndaky wekiliýet bilen 2026-njy ýylyň 27-nji martynda duşuşyk geçirdi. Duşuşykda Hazarüsti ulag geçelgesiniň mümkinçiliklerini netijeli ulanmak we bu ugurda Türkmenbaşy halkara deňiz portunyň strategiki ornuny has-da berkitmek meseleleri ara alnyp maslahatlaşyldy.
Türkmen bedewiniň milli baýramy mynasybetli Aşgabat şäherinde 2026-njy ýylyň 25-nji aprelinde ahalteke atlarynyň halkara gözellik bäsleşigini geçirmek bellenildi
Türkmen halkynyň milli baýlygy we buýsanjy bolan behişdi bedewlerimiziň dünýädäki şan-şöhratyny has-da belende galdyrmak maksady bilen, şeýle hem “Türkmen bedewiniň milli baýramy mynasybetli bäsleşikleri geçirmek hakynda” Türkmenistanyň Prezidenti Buýruga gol çekdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.