Täze awtobuslar ýolagçylaryň hyzmatynda
14-03-24
Berkarar döwletiň täze eýýamynyň Galkynyşy döwründe ýurdumyzyň ulag we kommunikasiýa pudagynda alnyp barylýan tutumly işleri döwrebaplaşdyrmak, ösdürmek, oňa innowasion tehnologiýalary sanly ulgamy ornaşdyrmak giň gerime eýe bolýar. Hormatly Prezidentimiziň saparyna gabatlanyp, Türkmenabat şäherinde döwrebap ýaşaýyş jaýlarynyň açylmagy hem-de Lebap welaýatynyň ilatyna hyzmat etjek täze ýolagçy awtobuslarynyň sowgat hökmünde gowşurylmagy şu günki wakanyň ähmiýetini has-da artdyrdy. Gadymy Lebabyň bereketli topragynda il-ýurt bähbitli işlere başlangyç berýän hormatly Prezidentimiziň sapary gününde gowulyklaryň sakasy çözlen ýaly boldy. Edil şol gün ýolagçylara edilýän hyzmatyň hilini gowulandyrmak maksady bilen hormatly Prezidentimiziň adyndan «Türkmenawtoulaglar» agentliginiň «Lebapawtoulag» önümçilik birleşigine häzirki zaman awtobuslaryň 200-den gowragy sowgat hökmünde gowşuryldy. Munuň özi hormatly Prezidentimiziň tagallalary netijesinde, «Türkmenawtoulaglary» agentliginiň maddy-tehniki binýadynyň pugtalandyrylmagy esasynda mümkin bolup, ýerine ýetirilýän şeýle işler awtoulag hyzmatlarynyň hilini we medeniýetini has-da ýokarlandyrmaga şert döredýär.
Awtobuslaryň garşylanyş dabarasynda çykyş edenler milli ykdysadyýetimiziň ulag we kommunikasiýa pudagyny ösdürmeklige berýän bimöçber goldawy üçin Gahryman Arkadagymyza, Arkadagly Gahryman Serdarymyza çäksiz alkyş sözlerini aýtdylar. Önümçilikde aýratyn möhüm ähmiýete eýe bolan täze ýolagçy awtobuslary asylly däplerimize eýerilip, kümüş saçly mährem eneler, awtobuslara sünnälenip örülen alajany dakdylar, un sepdiler we üzärlik tütetdiler hem-de olaryň uzak wagtlap halkymyza hyzmat etmegini arzuwladylar. Hormatly ýaşulular täze awtobuslaryň mümkinçilikleri bilen içgin tanyşdylar hem-de döwlet Baştutanymyza çuňňur hoşallyklaryny beýan etdiler. Täze awtobuslary kabul eden «Lebapawtoulag» önümçilik birleşiginiň sürüjileri netijeli işlemäge döredýän giň mümkinçilikleri üçin Gahryman Arkadagymyza hem-de Arkadagly Gahryman Serdarymyza alkyş aýtdylar.
Täze ulaglar welaýatynyň ýaşaýjylaryny we myhmanlaryny şäher ýaka we şäher ara ugurlar boýunça gatnatmak üçin niýetlenen döwrebap awtobuslardyr. Şäheriň ýollarynda ulaglaryň sazlaşykly hereketini üpjün etmek, köçelerde ýolagçylar we sürüjiler üçin amatly şertleri döretmek degişli gulluklaryň öňünde durýan möhüm wezipeleriň biri bolup durýar. Ulag düzümini ösdürmek, awtomobil we beýleki ulaglaryň tehniki binýadyny döwrebaplaşdyrmak hormatly Prezidentimiziň yzygiderli amala aşyrýan durmuş-ykdysady syýasatynyň möhüm ugurlarynyň biridir.
Döwrebap awtobuslary yzygiderli satyn alyp, bu ugurda ýerine ýetirilýän hyzmatlaryň hiliniň we medeniýetiniň has-da ýokarlandyrylmagy ugrunda döredip berýän giň mümkinçilikleri üçin pudagyň agzybir işgärleri Arkadagly Gahryman Serdarymyza tüýs ýürekden alkyş sözlerini aýdýarlar.
Möwlam HAÝTGULYÝEW,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň «Lebapawtoulag» önümçilik birleşiginiň mehanigi, ilkinji Ýaşlar guramasynyň başlygy.
Türkmenistan we Belarus howa gatnawlaryny ösdürmegi maslahatlaşdylar
Aşgabatda 31-nji martda Belarus Respublikasynyň Türkmenistandaky ilçisi Stanislaw Çepurnoý Türkmenistanyň Ministrler Kabinetiniň Başlygynyň orunbasary Batyr Annaýew bilen duşuşdy.
Wise-premýer: Türkmenistan Gündogar-Günbatar we Demirgazyk-Günorta geçelgeleriniň ösdürilmegine ähmiýet berýär
Türkmenistan Gündogar–Günbatar we Demirgazyk–Günorta ugurlary boýunça halkara ulag geçelgeleriniň ösdürilmegine ähmiýet berýär. Bu barada Türkmenistanyň Ministrler Kabinetiniň Başlygynyň orunbasary Nökerguly Atagulyýew penşenbe güni Baku şäherinde geçirilen Türki döwletleriň guramasyna (TDG) agza ýurtlaryň hökümet baştutanlarynyň wise-prezidentleriniň ikinji mejlisinde aýtdy.
Türkmenistan bilen Azerbaýjan Türkmebaşy portunyň düýbüni çuňlaşdyrmak meselesine garady
Türkmenistan we Azerbaýjan Türkmenbaşy halkara deňiz portunda düýbi çuňlaşdyryş işleri arkaly infrastrukturany döwrebaplaşdyrmak hem-de port arkaly ýük daşamalarynyň möçberini artdyrmak meselelerini ara alyp maslahatlaşdylar. Bu meselä çarşenbe güni Baku şäherinde Türkmenistanyň Ministrler Kabinetiniň Başlygynyň orunbasary Nökerguly Atagulyýew bilen “Azerbaýjanyň demir ýollary” ÝGPJ-niň başlygy Rowşan Rustamowyň arasynda geçirilen duşuşygyň çäklerinde garaldy.
Paýtagtymyzda «Hyzmatdaşlyk we ösüş» atly köpugurly halkara sergi açyldy
2-nji aprelde paýtagtymyzdaky Söwda-senagat edarasynda “Hyzmatdaşlyk we ösüş” atly köpugurly halkara sergi açyldy.
“Muroosystems Corporation” kompaniýasy Türkmenistan bilen bilelikde maglumat merkezlerini döretmekçi
Türkmenistanyň Aragatnaşyk ministri Hajymyrat Hudaýgulyýew bilen Ýaponiýanyň “Muroosystems Corporation” kompaniýasynyň Ýerine ýetiriji direktory Ž. Panyň arasynda 2026-njy ýylyň 31-nji martynda geçirilen duşuşykda Türkmenistanyň Aragatnaşyk ministrligi bilen “Muroosystems Corporation” kompaniýasynyň arasynda maglumatlary işläp taýýarlaýyş merkezlerini döretmek we döwrebaplaşdyrmak ugrunda özara düşünişmek baradaky Ähtnama gol çekildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.