Döwlet hyzmatlary portalynyň giň mümkinçilikleri
01-12-23
«Türkmenaragatnaşyk» agentligi tarapyndan ýola goýlan, sanly hyzmatlaryň dürli görnüşlerini bir ýerde jemleýän «e.gov.tm» Döwlet hyzmatlary portaly döredilen gününden başlap, ilkinji nobatda aragatnaşyk hyzmatlarynyň ähli görnüşlerini sanly görnüşde portala ýerleşdirdi.
Häzirki wagtda bolsa, bu portalda ýerleşdirilen hyzmatlaryň sany 500-den geçip, ulanyjylaryň sany günsaýyn artýar. Portalda şahsy otag döretmek bilen bolsa, portalyň hyzmatlaryndan doly derejede peýdalanmaga we portalda ýerine ýetiren amallaryňyzy hemişe gözegçilikde saklamaga mümkinçilikler döredilýär.
«e.gov.tm» raýatlara döwlet hyzmatlaryndan onlaýn peýdalanmaga mümkinçilik berýän amatly we döwrebap platforma bolup durýar. Portalyň mobil goşundysy döredilip, goşundyny Android we IOS platformalarynda ýükläp alyp bolar. Şeýle hem, portalyň interfeýsi dürli ýaşdaky ulanyjylar üçin düşnükli we sada görnüşinde bolup, ol türkmen we rus dillerinde elýeterlidir.
Döwlet hyzmatlar portalynda, raýatlara şahsy otagy döretmek arkaly, onlaýn görnüşde aragatnaşyk we jemagat hyzmatlaryndan peýdalanmaga, dolandyrmaga, sargytlary bermäge hem-de tölegleri tölemäge, jemgyýetçilik ulaglaryna petekleri almaga, E-mekdep, elektron kitaphana, «zehin» sanly ulgamyndan, bilim portalyndan giňden peýdalanmaga, gerekli güwänamalary sargyt etmäge, bank edaralarynyň sanly hyzmatlaryndan şeýle hem, elektron söwda ulgamyndan, statistiki hasabatlary tabşyrmaga we beýleki sanly hyzmatlardan giňden peýdalanmaga mümkinçilik döredildi.
Şeýle hem portalda, ulanyjylar üçin ýurdumyzyň howa maglumaty şeýle hem Türkmenistanyň Merkezi bankynyň walýuta kurslary bilen 7/24 onlaýn ýagdaýda tanyşmaga mümkinçilikler hem döredildi.
Portalda ýerleşdirilýän sanly hyzmatlaryň sanynyň günsaýyn artmagy, portalyň mümkinçilikleriniň yzygiderli döwrebaplaşdyrylmagy, ulanyjylar tarapyndan portala bolan uly gyzyklanma döredýär.
«e.gov.tm»-yň sanly hyzmatlary, ulanyjylara wagtlaryny we serişdelerini tygşytlamaga şert döredýär.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Türkmenistan demir ýol ulaglary pudagynyň maddy-enjamlaýyn binýadyny berkidýär
Türkmenistanyň Ministrler Kabinetiniň Başlygynyň orunbasary Batyr Annaýew şenbe güni sanly ulgam arkaly geçirilen Ministrler Kabinetiniň nobatdaky mejlisinde demir ýol ulaglary pudagynyň maddy-enjamlaýyn binýadyny has-da berkitmek boýunça ýerine ýetirilýän işler barada hasabat berdi. Bu barada Türkmenistanyň resmi metbugaty habar berýär.
Türkmenistan — Özbegistan: hoşniýetli goňşuçylyk gatnaşyklaryny ilerledip
20-nji iýunda Türkmenistanyň Söwda-senagat edarasynyň binasynda Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-özbek toparynyň 19-njy mejlisi geçirildi. Oňa toparyň türkmen tarapyndan agzalary, Özbegistan Respublikasynyň Premýer-ministriniň orunbasary Jamşid Hojaýewiň ýolbaşçylygynda ýurdumyza sapar bilen gelen wekiliýet topary gatnaşdy.
Taryhy waka: «Aýdyň Gijeler» kompaniýasy Eswatini Patyşalygynda iki sany täze kärhanany gurýar
Ýakynda Eswatini Patyşalygynda önümçilik toplumynyň düýbüni tutmak dabarasy geçirildi. Şol gün gurluşyk işlerine resmi taýdan badalga berildi. Dabara «Aýdyň Gijeler» kompaniýasynyň wekilleri bilen bir hatarda Eswatini Patyşalygynyň ýokary derejeli resmi wekilleri hem gatnaşdylar.
Türkmenistan «Merkezi Aziýa – Koreýa Respublikasy» sammitine taýýarlyk görmek boýunça ýokary wezipeli wekilleriniň maslahatyna gatnaşdy
Türkmenistanyň Daşary işler ministriniň orunbasary Ahmet Gurbanow «Merkezi Aziýa – Koreýa Respublikasy» sammitine taýýarlyk görmek boýunça ýokary wezipeli wekilleriniň maslahatyna gatnaşdy. Maslahat Özbegistanyň Daşkent şäherinde geçdi, diýip Türkmenistanyň Daşary işler ministrligi habar berýär.
Türkmenistanyň ilçisi Katar Döwletiniň ulag ministri bilen duşuşdy
Golaýda Türkmenistanyň Katar Döwletindäki Adatdan daşary we Doly ygtyýarly Ilçi M.Seýitmämmedowyň Katar Döwletiniň ulag ministri Şeýh Muhammed bin Abdulla bin Muhammed Al Tani bilen duşuşdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.