Paýtagtymyzda aragatnaşyk boýunça GDA azga ýurtlarynyň maslahaty geçirildi
08-11-23
8-nji noýabrda paýtagtymyzyň Arçabil myhmanhanasynda GDA azga ýurtlaryň aragatnaşyk boýunça sebit arkalaşygynyň administrasiýalarynyň ýolbaşçylar geňeşiniň 59-njy we sebit arkalaşygynyň çäginde maglumat boýunça gatnaşyjy döwletleriniň utgaşdyryjy maslahatynyň 29-njy bilelikdäki geňeşiniň mejlisi geçirildi.
Ýurdumyzda maglumat-aragatnaşyk ulgamlarynyň işini kämilleşdirmek babatda özara bähbitli hyzmatdaşlyk etmek maksady ýokary derejede gurnalan mejlise Türkmenistan, Azerbaýjan, Ermenistan, Belarus, Gazagystan, Gyrgyzystan, Russiýa, Täjigistan Respublikasynyň, şeýle hem GDA agza ýurtlaryň aragatnaşyk boýunça sebit arkalaşygynyň, Maglumat boýunça GDA agza ýurtlaryň aragatnaşyk boýunça sebit arkalaşygynyň administrasiýalarynyň ýolbaşçylary we wekilleri gatnaşdylar.
Mejlisiň gün tertibinde GDA azga ýurtlaryň arasynda maglumat jemgyýetini gurmak we ösdürmek boýunça hyzmatdaşlygyň esasy ugurlary ara alnyp maslahatlaşyldy. Ýagny:
- Maglumat kommunikasiýa pudagynda bazary ösdürmek boýunça özara täsir mehanizmleriniň ähmiýetini artdyrmak;
- Sanly ykdysadyýeti ösdürmek boýunça köptaraplaýyn hyzmatdaşlygy pugtalandyrmak;
- Köpçülikleýin aragatnaşyk serişdelerini kämilleşdirmek;
- Internet maglumaty we telekommunikasiýa toruny ulanmak boýunça hyzmatdaşlyklary mundan beýläk-de ösdürmek;
- Häzirki zaman maglumat kommunikasiýa programmalaryny işläp düzmek we durmuşa geçirmek;
- Maglumat howpsuzlygyny üpjün etmek;
Umumy maglumat giňişligini döretmek ýaly möhüm ugurlar boýunça sebitiň döwletleriniň arasynda hyzmatdaşlygy dowam etmek we giňeltmek mümkinçilikleri ara alnyp maslahatlaşyldy.
Şeýle hem, mejlisiň çäklerinde «Türkmenaragatnaşyk» agentliginiň başlygy Hajymyrat Hudaýgulyýewiň ýolbaşçylyk etmeginde wekiliýetiň we GDA azga ýurtlaryň aragatnaşyk boýunça sebit arkalaşygynyň ýolbaşçylarynyň arasynda ikitaraplaýyn we köptaraplaýyn duşuşyklar geçirildi.
Duşuşyklarda hususanda, ikitaraplaýyn we köptaraplaýyn hyzmatdaşlygyň täze ugurlaryna gönükdirilen we aragatnaşyk ulgamyny geljekde toplumlaýyn ösdürilmeginiň derwaýys meseleleri ara alnyp maslahatlaşyldy. Özara mümkinçilikleriň nazarda tutulmagynda olaryň işjeňleşdirilmeginiň wezipeleri kesgitlendi.
Mejlis tamamlandan soň daşary ýurtly myhmanlar Ahal welaýatynyň Halkara atçylyk toplumyna, şeýle hem döwrüň öňdebaryjy tehnologiýalary esasynda, daşky gurşaw talaplaryna laýyklykda gurlan «akylly» we «ýaşyl» innowasiýa şäheri – Arkadag şäherine gezelenç etdiler.
Myhmanlar sebitde «Geljegiň şäheri» diýip atlandyrylan Arkadag şäheriniň sanly çözgütler we intellektual mümkinçilikler bilen ýokary derejede üpjün edilendigini bellediler.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Türkmenistan bilen “Huawei” emeli aň we IT boýunça hünärmenleri taýýarlar
Türkmenistanyň Bilim ministrliginde Türkmenistanyň bilim ministriniň orunbasary Azat Ataýew bilen “Huawei” kompaniýasynyň Merkezi Aziýa boýunça wise-prezidenti Sýu Haýyň arasynda duşuşyk geçirildi. Duşuşygyň dowamynda taraplar sanly bilim, emeli aň, maglumat tehnologiýalary boýunça hyzmatdaşlygyň esasy ugurlaryny ara alyp maslahatlaşdylar.
Brýusselde Türkmenistanyň ulag-üstaşyr mümkinçiligi tanyşdyryldy
Belgiýa Patyşalygynyň Brýussel şäherinde Ýewropa bilen Aziýanyň arasynda durnukly we netijeli ulag arabaglanyşygyny ösdürmekde ýurduň ornuny ara alyp maslahatlaşmak boýunça “Kontinentleri birleşdirmek: Türkmenistanyň üstaşyr we logistika mümkinçiliklerini ösdürmek” atly mowzuklaýyn çäre geçirildi.
Türkmenistanyň Aragatnaşyk ministrliginiň Politehniki orta hünär okuw mekdebinde «Saglygym - baş baýlygym» atly wagyz-nesihat çäresi geçirildi
«Garaşsyz, baky Bitarap Türkmenistan — bedew batly at-myradyň mekany» ýylynda ýurdumyzda sportuň we sagdynlygyň aýyna bagyşlanyp geçirilýän çäreleriň çäklerinde, Türkmenistanyň Aragatnaşyk ministrliginiň Politehniki orta hünär okuw mekdebi bilen Türkmenistanyň jemgyýetçilik guramalarynyň bilelikde gurnamagynda «Saglygym - baş baýlygym» atly wagyz-nesihat çäresi geçirildi.
Türkmenistanyň wekiliýeti BGG-niň Ýewropa sebitiniň Gümrük edaralarynyň ýolbaşçylarynyň maslahatyna gatnaşdy
Türkmenistanyň Döwlet gümrük gullugynyň başlygynyň orunbasarynyň ýolbaşçylygyndaky türkmen wekiliýeti Bütindünýä Gümrük Guramasynyň (BGG) Brýusselde ýerleşýän ştab-kwartirasynda guramanyň Ýewropa sebitiniň Gümrük edaralarynyň ýolbaşçylarynyň maslahatyna gatnaşdy. Bu barada Döwlet gümrük gullugynyň web saýtynda habar berildi.
Türkmenistanda bank we poçta hyzmatlarynyň integrasiýasy täze mümkinçilikleri açýar
Türkmenistanda bank we poçta hyzmatlarynyň integrasiýasy sanly infrastrukturanyň ösüşiniň möhüm ugurlarynyň biri bolup biler. Bu barada “Colvir Software Solutions” kompaniýasynyň işewürligi ösdürmek bölüminiň ýolbaşçysy Denis Ýudiniň aýdanlaryna salgylanyp, Trend agentligi duşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.