«Digital Bridge 2023» atly halkara forumynda - tehnologiýa döwrüne emeli aň we täze IT çözgütlerini ornaşdyrmak meselelerine garaldy
13-10-23
2023-nji ýylyň 12-13-nji oktýabry aralygynda Sanly ulgamy we emeli aňy köp ugurda köpçülikleýin ösdürmek we durmuşa geçirmek, IT pudagynyň ylmy-tehnologiki pikirleri we olaryň taslamalaryny pudaklara ornaşdyrmak boýunça «Digital Bridge 2023» atly halkara forumy Gazagystan Respublikasynyň Astana şäherinde geçirildi.
Ýokary derejeli foruma 30-dan gowrak ýurduň 20000-den gowrak ygtyýarly wekilleri, 300-den gowrak IT-kompaniýalary, şol sanda «Türkmenaragatnaşyk» agentliginiň başlygy Hajymyrat Hudaýgulyýewiň ýolbaşçylygynda wekiliýeti gatnaşdy.
Halkara foruma Gazagystan Respublikasynyň Prezidenti Kasym Jomart Tokaýew gatnaşyp, öz çykyşynda soňky ýyllarda forumyň Merkezi Aziýada IT pudagynyň ösüşiniň soňky tendensiýalaryny we geljegini ara alyp maslahatlaşmak üçin iň uly platforma öwrülendigini aýtdy.
Iki günlik forumyň çäklerinde çykyşlar hususan-da, önümçiligi we jemgyýetçilik durmuşyny sanlylaşdyrylmak arkaly tizlik, ýokary hil we amatlylyk gazanmak, ilatyň, işewürligiň we döwletiň maglumat gatnaşyklarynyň netijeliligini ýokarlandyrmak, emeli aňy ösdürmek we ony köp ugurlara ornaşdyrmak, IT pudagyny ösdürmek, döwrebap pikirli IT hünärmenleri taýýarlamak, bu ugurlar boýunça tejribe alyşmak we köptaraplaýyn bähbitli hyzmatdaşlygy ýola goýmak meselelerine bagyşlandy.
Forumda gurnalan 200-den gowrak sergi zolagynda we IT - mekdepleriň sergisinde sanly tehnologiýalaryň we emeli aňyň ykdysadyýetden başlap hyzmatlar ulgamyna çenli jemgyýetçilik durmuşynyň ähli ugurlaryna ornaşdyrylmagy arkaly ýokary netijeleri gazanmagyň tiz, amatly we döwrebap usullary öwrenildi.
«Digital Bridge 2023» atly halkara forumynyň esasy maksady tejribe alyşmak nukdaýnazardan, özara peýdaly täze işewür hyzmatdaşlyk üçin sebitdäki IT çözgütlerini görkezmek, sanly ulgamy ösdürmek we pudaklara ornaşdyrmak arkaly hyzmatlara we harytlara bolan elýeterliligiň tiz we ýeňil bolmagyna täze mümkinçilikleri açmakdyr.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň esasy hünärmeni.
Türkmenistan Gündogar bilen Günbataryň arasyndaky ulag geçelgelerini işjeň ösdürýär
«Меrkezi Aziýa + Ýaponiýa» dialogynyň sammitinde çykyş eden Türkmenistanyň Prezidenti Serdar Berdimuhamedow Türkmenistany Ýewraziýa üçin möhüm logistika merkezine öwürmek babatda giň möçberli strategiýany hödürledi. Döwlet Baştutany ýurduň bar bolan ulag ulgamyny sazlaşykly doldurýan ýollary döredýän, inklýuziwlik prinsipine eýerýändigini nygtady.
Merkezi Aziýanyň ulag integrasiýasy: Özbegistanyň we Türkmenistanyň goşandy
Häzirki wagtda Özbegistan bilen Türkmenistanyň arasyndaky ulag hyzmatdaşlygy Merkezi Aziýanyň baglanyşyklylygynyň täze arhitekturasyny emele getirip, sebitiň giň Ýewraziýa giňişligine çykmagy üçin goşmaça mümkinçilikleri döredýän strategik ähmiýete eýe bolýar.
Türkmenistan bilen Ýaponiýa göni howa gatnawlaryny ýola goýmagy maslahatlaşdy
Türkmenistan bilen Ýaponiýanyň arasynda göni howa gatnawlaryny ýola goýmak boýunça işleri işjeňleşdirmek barada ylalaşyk gazanyldy. Bu barada şenbe güni Ýaponiýanyň Daşary işler ministrligi tarapyndan çap edilen Türkmenistanyň Prezidenti Serdar Berdimuhamedow bilen Ýaponiýanyň Premýer-ministri Sanae Takaitiniň arasynda geçirilen sammitiň jemleri baradaky Bilelikdäki metbugat beýanatynda habar berilýär.
Eýran bilen Türkmenistan Hazar deňzi boýunça hyzmatdaşlygyny ara alyp maslahatlaşdy
Eýranyň hukuk we halkara meseleleri boýunça daşary işler ministriniň orunbasary Kazem Garibabadi, Hazar deňzi meseleleri boýunça Türkmenistanyň ýörite wekili Murat Atajanow bilen duşuşyp, Hazar deňzine degişli soňky ýagdaýlary hem-de 2026-njy ýylyň tomsunda Tähranda geçirilmegi meýilleşdirilýän Hazarýaka döwletleriniň 7-nji sammitine taýýarlyk meselelerini ara alyp maslahatlaşdy.
Türkmenistan Ýokohama şäherinde geçiriljek “GREENxEXPO 2027” halkara sergisine gatnaşar
Türkmenistan Ýaponiýanyň Ýokohama şäherinde geçiriljek “GREENxEXPO 2027” halkara sergisine gatnaşjakdygyny tassyklady. Bu barada şenbe güni Ýaponiýanyň Daşary işler ministrligi tarapyndan çap edilen Türkmenistanyň Prezidenti Serdar Berdimuhamedow bilen Ýaponiýanyň Premýer-ministri Sanae Takaitiniň arasynda geçirilen sammitiň jemleri baradaky Bilelikdäki metbugat beýanatynda habar berilýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.