Sanly ulag - ygtybarly we netijeli ösüş ýoly
27-07-22
2022-nji ýylyň 27-nji iýulynda Türkmenistanyň Ministrler kabinetiniň ýanyndaky Ulag we kommunikasiýa agentliginiň «Türkmenaragatnaşyk̓» agentliginiň edara binasynda, ulag-kommunikasiýalar ulgamynyň degişli hünärmenleiniň onlaýn gatnaşmagynda «Ulag we kommunikasiýalar toplumyny ösdürmegiň esasy ugurlary» atly maslahat geçirildi.
«Türkmenaragatnaşyk̓» agentligi tarapyndan gurnalan bu maslahatda Türkmenistanyň Ministrler kabinetiniň ýanyndaky Ulag we kommunikasiýa agentliginiň degişli ýolbaşçylary, hünärmenleri we ýokary okuw mekdepleriniň mugallymlary toplum boýunça gazanylan üstünlikler barada çykyş etdiler.
Maslahatyň dowamynda «Aragatnaşyk ulgamynda sanly ykdysadyýetiň ornaşdyrylmagy», «Ulag-logistika ulgamynda döwrebap tehnologiýalar», «Sanly ykdysadyýet deňiz-derýa pudagynyň ynamly, döwrebap ösüşiniň binýdy», «Demir ýol pudagy sanly ulgamda», «Söwdada we logistikada sanly tehnologiýalaryň ähmiýeti», «Türkmenbaşy halkara deňiz porty – logistikanyň altyn halkasy» ýaly meseleler ara alnyp maslahatlaşyldy.
Demir ýol, awtomobil, howa we deňiz-derýa ulaglarynyň halkara gatnawlarynyň sanlylaşdyrylmagy halkara we dostlukly hyzmatdaşlyklary berkitmek, logistika maglumatlary alyş-çalyş etmek, şeýle hem halkara derejesinde ygtyýarly guramalar bilen kanuny taýdan möhüm elektroniki aragatnaşyk saklamak üçin niýetlenendir diýip, maslahatda çykyş edenler belläp geçdi.
Maslahatda ulaglaryň ähli görnüşleriniň halkara gatnawlarynyň sanlylaşdyrylmagy diňe bir Aziýanyň we Ýewropanyň tranzit gatnawlarynda amatlyklary döretmän, eýsem Ýewraziýa giňişliginiň ähli ýurtlarynyň ykdysady ösüşini işjeňleşdirýändigi babatynda hem durlup geçildi.
Aýgözel ANNAMÄMMEDOWA,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň hünärmeni.
"TULM" HHR-nyň Çžetýan şäherinden ugran synag konteýner otly düzümini Türkmenbaşy deňiz porty arkaly türkmen gämisinde Baku deňiz portuna ugradylmagyny gurady
«Türkmenistanyň Ulag-logistika merkezi» Açyk görnüşli paýdarlar jemgyýeti, ýurdumyzyň demirýol ulaglarynda konteýner gatnawlarynyň operatory bolmak bilen, halkara multimodal ulag-üstaşyr geçelgeleriniň çäklerinde uly möçberlerde dürli görnüşdäki ýükleriň gatnawlaryny amala aşyrmaklyga dowam edýär.
Türkmenistan bilen Owganystan energetika, ulag-aragatnaşyk ulgamlaryndaky hyzmatdaşlygy maslahatlaşdy
Türkmenistanyň Daşary işler ministri Raşid Meredow 2025-nji ýylyň 3-nji iýulynda Azerbaýjanyň paýtagty Baku şäherinde ykdysady meseleler boýunça Owganystanyň Ministrler Kabinetiniň Başlygynyň Orunbasarynyň wezipesini ýerine ýetiriji Abdul Gani Baradar bilen duşuşyk geçirdi. Duşuşykda energetika hem-de ulag-aragatnaşyk ugurlaryndaky hyzmatdaşlygyň meseleleri ara alnyp maslahatlaşyldy.
Balkan we Daşoguz welaýatlarynda täze awtoulag mekdepleri açyldy
Türkmenistanyň Balkanabat we Daşoguz şäherlerinde sürüjileri taýýarlamak üçin niýetlenilen iki sany täze okuw merkezi işe başlady. “Türkmenawtoulaglary” agentliginiň awtomekdepler birleşiginiň buýurmasy esasynda gurlan täze toplumlar hünär taýýarlygynyň milli ulgamyny ösdürmek boýunça nobatdaky ädime öwrüldi. Bu barada Türkmenistanyň resmi metbugaty penşenbe güni habar berdi.
Stambul şäherinde Türkmenistanyň eksport harytlarynyň sergisi geçirilýär
Düýn Türkiýe Respublikasynyň Stambul şäherinde Türkmenistanyň eksport harytlarynyň sergisi açyldy.
“Türkmendeňizderýaýollary” agentligi bäsleşik yglan edýär
Türkmenistanyň Hökümeti Türkmenistanyň Deňiz ulagyny ösdürmek taslamasy boýunça Yslam Ösüş Bankyndan (YÖB) maliýe serişdelerini aldy we bu maliýe serişdelerini “Ro-Ro” görnüşli iki sany demir ýol parom gämilerini taslamalaşdyrmak, üpjün etmek we gurluşygyny dolandyrmak boýunça şertnamany maliýeleşdirmeklik üçin gönükdirmegi meýilleşdirýär. Bu taslama OPEK halkara ösüş gaznasy bilen bilelikde maliýeleşdiriler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.