Ýurdumyzyň ulag-logistika hyzmatynyň gerimi giňeýär
24-06-22
“Türkmenistanyň Ulag-logistika merkezi” açyk görnüşli paýdarlar jemgyýeti Türkmenistanyň halkara ulag-üstaşyr geçelgeleriniň mümkinçiliklerini netijeli ulanmak, ýurdumuzyň ulag toplumynyň bäsleşige ukyplylygyny ýokarlandyrmak, üstaşyr ýükleriň möçberini goşmaça artyrmaga ýardam bermek hem-de üstaşyr, eksport-import ýükleri ýük ugradyjydan bir ýa-da birnäçe görnüş ulaglar arkaly ýük alyja eltmekde ýerlikli logistiki çözgütleri işläp düzmek ýaly wezipeleri ýerine ýetirýär.
“Türkmenistanyň Ulag-logistika merkezi” açyk görnüşli paýdarlar jemgyýeti Gazagystan Respublikasynyň demir ýollarynyň golçur kärhanasy bolan “KTZ Ekspress” PJ-i bilen bilelikde Hytaý Halk Respublikasyndan Gazagystan Respublikasdan üstaşyr geçip ilkinji gezek Türkmenistanyň üsti bilen Türkiýe Respublikasyna konteýner otly düzminiň gatnwyny amala aşyrýar.
Hytaý Halk Respublikasy bilen Gazagystan Respublikasynyň serhedi bolan Altynköl stansiýasyndan “Pomidor pastasy” ýükli 82 sany 20 futlyk konteýner otly düzümi ugrap, ýurdumyzyň Serhetýaka stansiýasynyň üsti Türkmenbaşy Halkara deňiz portuna gelip gowuşdy. Soňra konteýner otly düzümi “Türkmenistanyň Ulag-logistika merkezi” açyk görnüşli paýdarlar jemgyýetiniň rejeli gatnawy amala aşyrýan fider gämisi arkaly Türkmenbaşy halkara deňiz portyndan Azerbaýjan Respublikasynyň Baku portyna ugradyldy. Häzirki wagtda konteýner otly düzümi Baku-Tbilisi-Kars (BTK) ulag geçelgesiniň üsti bilen Türkiýe Respublikasynyň Izmir şäherine tarap hereketini dowam edýär.
"TULM" HHR-nyň Çžetýan şäherinden ugran synag konteýner otly düzümini Türkmenbaşy deňiz porty arkaly türkmen gämisinde Baku deňiz portuna ugradylmagyny gurady
«Türkmenistanyň Ulag-logistika merkezi» Açyk görnüşli paýdarlar jemgyýeti, ýurdumyzyň demirýol ulaglarynda konteýner gatnawlarynyň operatory bolmak bilen, halkara multimodal ulag-üstaşyr geçelgeleriniň çäklerinde uly möçberlerde dürli görnüşdäki ýükleriň gatnawlaryny amala aşyrmaklyga dowam edýär.
Türkmenistan bilen Owganystan energetika, ulag-aragatnaşyk ulgamlaryndaky hyzmatdaşlygy maslahatlaşdy
Türkmenistanyň Daşary işler ministri Raşid Meredow 2025-nji ýylyň 3-nji iýulynda Azerbaýjanyň paýtagty Baku şäherinde ykdysady meseleler boýunça Owganystanyň Ministrler Kabinetiniň Başlygynyň Orunbasarynyň wezipesini ýerine ýetiriji Abdul Gani Baradar bilen duşuşyk geçirdi. Duşuşykda energetika hem-de ulag-aragatnaşyk ugurlaryndaky hyzmatdaşlygyň meseleleri ara alnyp maslahatlaşyldy.
Balkan we Daşoguz welaýatlarynda täze awtoulag mekdepleri açyldy
Türkmenistanyň Balkanabat we Daşoguz şäherlerinde sürüjileri taýýarlamak üçin niýetlenilen iki sany täze okuw merkezi işe başlady. “Türkmenawtoulaglary” agentliginiň awtomekdepler birleşiginiň buýurmasy esasynda gurlan täze toplumlar hünär taýýarlygynyň milli ulgamyny ösdürmek boýunça nobatdaky ädime öwrüldi. Bu barada Türkmenistanyň resmi metbugaty penşenbe güni habar berdi.
Stambul şäherinde Türkmenistanyň eksport harytlarynyň sergisi geçirilýär
Düýn Türkiýe Respublikasynyň Stambul şäherinde Türkmenistanyň eksport harytlarynyň sergisi açyldy.
“Türkmendeňizderýaýollary” agentligi bäsleşik yglan edýär
Türkmenistanyň Hökümeti Türkmenistanyň Deňiz ulagyny ösdürmek taslamasy boýunça Yslam Ösüş Bankyndan (YÖB) maliýe serişdelerini aldy we bu maliýe serişdelerini “Ro-Ro” görnüşli iki sany demir ýol parom gämilerini taslamalaşdyrmak, üpjün etmek we gurluşygyny dolandyrmak boýunça şertnamany maliýeleşdirmeklik üçin gönükdirmegi meýilleşdirýär. Bu taslama OPEK halkara ösüş gaznasy bilen bilelikde maliýeleşdiriler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.