Aragatnaşyk ulgamynyň sanlylaşdyrylmagyna bagyşlanyp duşuşyk geçirildi
29-12-21
Golaýda «Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň «Marytelekom» welaýat elektrik aragatnaşyk kärhanasynyň hem-de Mary welaýat häkimliginiň bilelikde guramagynda duşuşyk geçirildi. Duşuşygyň mowzugy aragatnaşyk bölümlerinde sanly ulgamyň şertlerini üpjün etmek, raýatlara hödürlenilýän hyzmatlaryň sanlylaşdyrylmagynda tagallalary birleşdirmek hem-de ýakyn geljekde amala aşyrylmagy meýilleşdirilýän taslamalar barada boldy.
Duşuşyga Mary welaýatynyň dürli edara-kärhanalarynyň işgärleri, Türkmenistanyň Senagatçylar we telekeçiler birleşmesiniň agzalary, bilim, saglygy goraýyş hem-de sport toplumlarynyň wekilleri gatnaşdylar. Dabarada çykyş edenler Mary welaýatynyň aragatnaşyk ulgamynyň kämilleşdirilmeginde, bu ugurda degişli agentligiň sanly ykdysadyýete geçmek babatda ygtyýarly edara bolmagy nukdaýnazaryndan elektron we maglumatlar binýadyna daýanýan hyzmatlar ulgamyny täze tapgyrlara çykarmakda ýardam edýän taslamalary durmuşa geçirmek dogrusynda bellediler.
Türkmenistanda ykdysadyýetiň pudaklaryna sanly ulgamy ornaşdyrmak ýörelgesinden ugur alýan bu duşuşykda «Marytelekom» welaýat elektrik aragatnaşyk kärhanasynyň direktorynyň radio we telewideniýe boýunça orunbasary D.Hojaýew çykyş edip, “Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna” laýyklykda edarada alnyp barylýan işler, sanly hyzmatlar barada nygtady. Şeýle-de «Marytelekom» WEAK-nyň direktorynyň maglumat tehnologiýalary boýunça orunbasary S.Ballyýew 2021-nji ýyla çenli döwürde welaýatyň çäginde sanly ulgamy ornaşdyrmak boýunça edilen işler we geljekde meýilleşdirilýän innowasion taslamalar barada aýtmak bilen, halkara hyzmatdaşlyklarynyň köpgyraňly ösdürilmeginiň netijesinde welaýatyň aragatnaşyk ulgamynyň häzirki tapgyrynda ýola goýulýan özgertmeler barada aýratyn durup geçdi.
Bulardan başga-da, duşuşykda Mary welaýatynyň aragatnaşykçylary, welaýat häkimliginiň we beýleki edaralaryň hünärmenleri elektron resminama dolanyşygy, aragatnaşykda maglumat howpsuzlygy, ilaty internet bilen üpjün etmek ýaly meseleler barada çykyş etdiler.
Dabaranyň ahyrynda welaýatyň sanly hyzmatlary yzygiderli ýola goýmakda mynasyp iş alyp barýan edara-kärhanalary Mary welaýat häkimligi tarapyndan Hormat hatlary bilen sylaglandylar.
Taryhy waka: «Aýdyň Gijeler» kompaniýasy Eswatini Patyşalygynda iki sany täze kärhanany gurýar
Ýakynda Eswatini Patyşalygynda önümçilik toplumynyň düýbüni tutmak dabarasy geçirildi. Şol gün gurluşyk işlerine resmi taýdan badalga berildi. Dabara «Aýdyň Gijeler» kompaniýasynyň wekilleri bilen bir hatarda Eswatini Patyşalygynyň ýokary derejeli resmi wekilleri hem gatnaşdylar.
Türkmenistan «Merkezi Aziýa – Koreýa Respublikasy» sammitine taýýarlyk görmek boýunça ýokary wezipeli wekilleriniň maslahatyna gatnaşdy
Türkmenistanyň Daşary işler ministriniň orunbasary Ahmet Gurbanow «Merkezi Aziýa – Koreýa Respublikasy» sammitine taýýarlyk görmek boýunça ýokary wezipeli wekilleriniň maslahatyna gatnaşdy. Maslahat Özbegistanyň Daşkent şäherinde geçdi, diýip Türkmenistanyň Daşary işler ministrligi habar berýär.
Türkmenistanyň ilçisi Katar Döwletiniň ulag ministri bilen duşuşdy
Golaýda Türkmenistanyň Katar Döwletindäki Adatdan daşary we Doly ygtyýarly Ilçi M.Seýitmämmedowyň Katar Döwletiniň ulag ministri Şeýh Muhammed bin Abdulla bin Muhammed Al Tani bilen duşuşdy.
Türkmenistan — Slowakiýa: özara bähbitli ykdysady hyzmatdaşlygy ilerledip
17-nji iýunda paýtagtymyzda Ykdysady hyzmatdaşlyk boýunça türkmen-slowak bilelikdäki toparynyň birinji mejlisi öz işine başlady. Oňa gatnaşmak üçin Slowakiýa Respublikasynyň ykdysadyýet ministriniň orunbasary Wladimir Şimonýagyň ýolbaşçylygyndaky wekiliýet ýurdumyza geldi.
Türkmenistan we CASCA+ ýurtlary ýük daşamalaryny artdyrmak ylalaşygyna gol çekdiler
Türkmenistan we CASCA+ halkara ulag geçelgesine gatnaşyjy bäş döwlet ýük daşamalarynyň möçberini artdyrmaga hem-de bu ugry mundan beýläk-de ösdürmäge gönükdirilen ylalaşyga gol çekdiler. Bu barada anna güni “Özbekdemirýollary” paýdarlar jemgyýeti habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.