Türkmenistanyň ýokary okuw mekdepleriniň arasynda Maglumat howpsuzlygy boýunça olimpiada geçirildi
21-12-21
Şahsy we toparlaýyn geçirilen bäsleşigiň netijeleri boýunça 4 ýeňiji we 20 talyp baýrakly orunlara mynasyp boldular.
Şahsy bäsleşiklerde üç ýeňiji kesgitlendi. Olar: Atageldi Didarow, Ýusup Gurbanmämmedow – guramaçy okuw jaýynyň we Türkmen oba hojalyk institutynyň talyby Kakamyrat Atajanow.
5 ikinji we 10 üçünji orunlara ýokarda ady agzalan ýokary okuw jaýlarynyň talyplary, şeýle hem Türkmenistanyň Oguz han adyndaky Inžener-tehnologiýalar uniwersitetiniň, Harby institutyň we Goranmak ministrliginiň Harby-deňiz institutynyň, ýurdumyzyň Milli howpsuzlyk institutynyň, Ý. Kakaýew adyndaky Halkara nebit we gaz uniwersitetiniň, S.A.Nyýazow adyndaky Türkmen oba hojalyk uniwersitetiniň talyplary mynasyp boldular.
Toparlaýyn bäsleşikde TTII-niň talyplar topary ýeňiji boldy. Iki sany 2-nji orun Türkmen oba hojalyk institutyna we Ý.Kakaýew adyndaky Halkara nebit we gaz uniwersitetine berildi. Üç sany 3-nji orun Harby-deňiz institutynyň, Milli howpsuzlyk institutynyň we Türkmenistanyň Oguz han adyndaky Inžener-tehnologiýalar uniwersitetiniň toparlary mynasyp boldular.
Maglumat howpsuzlygy boýunça olimpiada talyplaryň bilim derejesine, bilimiň häzirki zaman sanlylaşdyrylmagy şertlerinde maglumat tehnologiýalarynyň mümkinçiliklerini ulanmak başarnyklaryna baha bermek üçin geçirildi.
TTII-niň maglumat, telekommunikasiýa we intellektual ulgamlar, sanly tehnologiýalar, elektronika, innowaiýa we beýleki ugurlar boýunça hünärmenleri üstünlikli taýýarlaýan ýaş, geljegi uly ýöriteleşdirilen ýokary okuw jaýydygyny bellemelidiris.
Bu okuw jaýynyň wekilleri diňe bir bilim ulgamynda däl, eýsem döwlet we jemgyýetçilik durmuşynyň ähli ugurlarynda sanlylaşdyrmagyň durmuşa geçirilmegine we global ösüşine gönükdirilen dürli taslamalardyr maksatnamalaryň durmuşa geçirilmegine işjeň hem netijeli gatnaşýarlar.
Institutyň mugallymlarynyň we talyplarynyň bilelikdäki tagallasy bilen häzirki zaman täze binalaryň ýaşaýjylarynyň rahatlygyny we howpsuzlygyny ýokarlandyrmaga niýetlenilen sanly çözgütler döredilýär. Bu okuw jaýynyň işgärleriniň ýurdumyzyň edaralarydyr müdirlikleri üçin saýtlary, programmalary döretmek, ilata hyzmaty ýokarlandyrmak we beýleki işlere gatnaşmagynyň ähmiýeti-de uludyr.
TTII-niň sanly bilimiň ösmegine goşýan goşandy hem uzak aralyk okuw mümkinçilikleriniň programma üpjünçiligi, guramaçylygy we ulanylyşy bilen baglanyşykly uly işdir.
ÇÄRE GEÇIRILDI
18-nji martda «Demirýollary» açyk görnüşli paýdarlar jemgyýetiniň mejlisler jaýynda Aşgabat şäherindäki demir ýol ulaglary orta hünär okuw mekdebiniň talyp ýaşlarynyň arasynda neşe serişdeleriniň zyýany we ýangyn howpsuzlyk düzgünleri, sagdyn durmuş kadalaryny we milli ahlak ýörelgelerini ýaýbaňlandyrmak maksady bilen wagyz-nesihat çäresi geçirildi.
«Sanly çözgüt – IT meýdança» HJ-de mekdep okuwçylarynyň arasynda informatika dersi boýunça bäsleşik geçirildi
Hormatly Prezidentimiziň parasatly ýolbaşçylygynda ýurdumyzda sanly tehnologiýalary durmuşa ornaşdyrmak, täze sanly taslamalary işläp taýýarlamak, raýatlaryň tehnologik sowatlylygyny ýokarlandyrmak we bu ugurda täze pikir-garaýyşlaryny durmuşa geçirip biljek ökde hünärmenleri taýýarlamak möhüm wezipeleriň hatarynda durýar.
Nowruz baýramy mynasybetli şäherara ugurlar boýunça goşmaça awtobus gatnawlary ýola goýlar
Türkmenistanda Halkara Nowruz güni – Milli bahar baýramy mynasybetli giň gerimli we şowhunly dabaralar geçiriler. Bu baýram tebigatyň oýanmagyny, bolçulygy we ýaz paslynyň gelmegini alamatlandyryp, ýurdumyzyň ähli künjeklerinde uly şatlyk-şowhun bilen belleniler.
Türkmenistan emeli aň we maglumat merkezleri boýunça milli strategiýa taýýarlar
Türkmenistanyň aragatnaşyk ministri Hajymyrat Hudaýgulyýew milli maglumatlary gaýtadan işlemek merkezini (Data Center) gurmak, emeli aň boýunça döwlet strategiýasyny işläp taýýarlamak hem-de «Türkmentelekom» kärhanasynyň esasynda ýöriteleşdirilen Emeli aň ösüş merkezini döretmek meýilnamalary barada habar berdi. Bu barada ministriň «Türkmenistanyň geljegine maýa goýumlar» atly halkara forumda eden çykyşynda aýdyldy.
Mogilýow wagon gurluşyk zawody Türkmenistanyň bazaryna girmegi meýilleşdirýär
Aşgabatda geçirilýän «Türkmenistanyň geljegine maýa goýumlar» (IFT 2026) atly halkara forumynyň gatnaşyjylarynyň arasynda Mogilýow wagon gurluşyk zawodynyň wekilleri hem bar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.