«Sanly ykdysadyýeti ornaşdyrmak arkaly ulag logistika ulgamyny kämilleşdirmek» atly onlaýn ylmy-amaly maslahat geçirildi
11-12-21
Toýlary toýa ulaşýan ata Watanymyzda milli senenamamyzda möhüm orun eýeleýän «Türkmenistan — parahatçylygyň we ynanyşmagyň Watany» diýlip yglan edilen — Berkarar Watanymyzyň Hemişelik Bitaraplygynyň 26 ýyllygynyň bellenilýän ýylynda «Sanly ykdysadyýeti ornaşdyrmak arkaly ulag logistika ulgamyny kämilleşdirmek» atly teleköpri arkaly onlaýn görnüşde ylmy-amaly maslahat geçirildi.
2021-nji ýylyň 10-njy dekabrynda Türkmenistanyň Inžener-tehniki we ulag kommunikasiýalary institutynyň Ykdysadyýet we sanly tehnologiýalar fakultetiniň “Kärhananyň ykdysadyýeti we dolandyrlyşy” kafedrasy «Türkmenhowaýollary», «Türkmendemirýollary», «Türkmenawtoulaglary» we «Türkmendeňizderýaýollary» agentlikleri bilen Türkmenistanyň Inžener-tehniki we ulag kommunikasiýalary institutynyň arasynda «Sanly ykdysadyýeti ornaşdyrmak arkaly ulag logistika ulgamyny kämilleşdirmek» atly teleköpri arkaly onlaýn görnüşde ylmy-amaly maslahat geçirildi.
“Türkmenistan – parahatçylygyň we ynanyşmagyň Watany” ýylyna bagyşlanyp geçirilen bu onlaýn ylmy-amaly maslahat berkarar döwletimiziň okgunly ösýän ulag logistika ulgamyny kämilleşdirmek maksatnamalarynda innowasiýa ösüşinde ýurdumyzyň sanly ykdysadyýet ulgamynyň gazananlarynyň ähmiýetini beýan etmekden ybaratdyr.
Ylmy-amaly maslahaty Ylmy işler boýunça prorektory, y.y.k. G.Penaýew giriş sözi bilen açyp, Türkmenistany ykdysady we durmuş taýdan üstünlikli ösdürmegiň möhüm şerti hökmünde köpşahaly ulag düzümini döretmek hormatly Prezidentimiziň alyp barýan döwlet syýasatynyň ileri tutulýan ugurlarynyň, bu ulgamda milli Liderimiziň başyny başlan iri möçberli taslamalary, şol sanda hereket edýän we gurulýan täze awtomobil hemde demir ýollaryny döwrebaplaşdyrmak, raýat awiasiýasynyň, gämi gatnawynyň maddy-enjamlaýyn binýadyny düýpli täzelemek we giňeltmek boýunça taslamalaryň ähmiýetiniň artmagy dogrusynda giňişleýin çykyş etdi.
Maslahatyň dowamynda çykyş edenler:
1. “Ulag ulgamyny sanlylaşdyrmakda “blockchain” tehnologiýasyny ulanmagyň zerurlygy”.
Ş.Akynyýazowa, Türkmenistanyň Inžener-tehniki we ulag kommunikasiýalary instituty Ykdysadyýet we sanly tehnologiýalary fakulteti “Kärhananyň ykdysadyýeti we dolandyrylyşy” kafedrasynyň mugallymy.
2. “Howa gatnawy üçin işewürlik zerurlyklaryny ýokarlandyrmak”
M.Atajanowa, Türkmenistanyň Inžener-tehniki we ulag kommunikasiýalary instituty Ykdysadyýet we sanly tehnologiýalary fakulteti “Kärhananyň ykdysadyýeti we dolandyrylyşy” kafedrasynyň mugallymy.
3. “Hazarýaka sebitinde logistika halkasynyň emele gelmeginde Türkmenbaşy Halkara deňiz portunyň orny”
Ş.Garabegow, "Türkmendeňizderýaýollary" agentliginiň “Logistika we marketing” bölüminiň başlygynyň w.w.ý.ý.
4. “Awtomobil ulag ulgamynda sanly üýtgeşme”
S.Ýusupowa, Türkmenistanyň Inžener-tehniki we ulag kommunikasiýalary instituty Ykdysadyýet we sanly tehnologiýalary fakulteti “Kärhananyň ykdysadyýeti we dolandyrylyşy” kafedrasynyň öwreniji mugallymy.
5.“Baky Bitarap Türkmenistanyň ulag ulgamynda ýetilen belent sepgitleri”
A.Söýünow, Türkmenistanyň Inžener-tehniki we ulag kommunikasiýalary instituty Ykdysadyýet we sanly tehnologiýalary fakultetiniň “Buhgalter hasaby we audit” hünäriniň 3-nji ýyllyk talyby.
Wideoaragatnaşyk arkaly onlaýn ylmy-amaly maslahatyň ahyrynda oňa gatnaşýanlar hormatly Prezidentimiziň janynyň sag, ömrüniň uzak bolmagyny, ýurdumyzyň abadançylygynyň hem-de ählumumy ösüşiň bähbidine gönükdirilen ägirt uly işleriniň mundan beýläk-de üstünliklere beslenmegini tüýs ýürekden arzuw etdiler.
Maslahatyň ahyrynda oňa gatnaşyjylar Türkmenistanyň Prezidenti Gurbanguly Berdimuhamedowa Ýüzlenme kabul etdiler.
Maglumatlary toplan: Bahar ANNAGURBANOWA,
Türkmenistanyň Inžener-tehniki we ulag kommunikasiýalary institutynyň Kärhananyň ykdysadyýeti we dolandyrylyşy kafedrasynyň müdiri, ykdysady ylymlaryň kandidaty
Çapa taýýarlan: Möwlam HAÝTGULYÝEW,
Türkmenistanyň Inžener-tehniki we ulag kommunikasiýalary institutynyň uçurymy.
Abuna tassyklayyş kody: 32469
Taryhy waka: «Aýdyň Gijeler» kompaniýasy Eswatini Patyşalygynda iki sany täze kärhanany gurýar
Ýakynda Eswatini Patyşalygynda önümçilik toplumynyň düýbüni tutmak dabarasy geçirildi. Şol gün gurluşyk işlerine resmi taýdan badalga berildi. Dabara «Aýdyň Gijeler» kompaniýasynyň wekilleri bilen bir hatarda Eswatini Patyşalygynyň ýokary derejeli resmi wekilleri hem gatnaşdylar.
Türkmenistan «Merkezi Aziýa – Koreýa Respublikasy» sammitine taýýarlyk görmek boýunça ýokary wezipeli wekilleriniň maslahatyna gatnaşdy
Türkmenistanyň Daşary işler ministriniň orunbasary Ahmet Gurbanow «Merkezi Aziýa – Koreýa Respublikasy» sammitine taýýarlyk görmek boýunça ýokary wezipeli wekilleriniň maslahatyna gatnaşdy. Maslahat Özbegistanyň Daşkent şäherinde geçdi, diýip Türkmenistanyň Daşary işler ministrligi habar berýär.
Türkmenistanyň ilçisi Katar Döwletiniň ulag ministri bilen duşuşdy
Golaýda Türkmenistanyň Katar Döwletindäki Adatdan daşary we Doly ygtyýarly Ilçi M.Seýitmämmedowyň Katar Döwletiniň ulag ministri Şeýh Muhammed bin Abdulla bin Muhammed Al Tani bilen duşuşdy.
Türkmenistan — Slowakiýa: özara bähbitli ykdysady hyzmatdaşlygy ilerledip
17-nji iýunda paýtagtymyzda Ykdysady hyzmatdaşlyk boýunça türkmen-slowak bilelikdäki toparynyň birinji mejlisi öz işine başlady. Oňa gatnaşmak üçin Slowakiýa Respublikasynyň ykdysadyýet ministriniň orunbasary Wladimir Şimonýagyň ýolbaşçylygyndaky wekiliýet ýurdumyza geldi.
Türkmenistan we CASCA+ ýurtlary ýük daşamalaryny artdyrmak ylalaşygyna gol çekdiler
Türkmenistan we CASCA+ halkara ulag geçelgesine gatnaşyjy bäş döwlet ýük daşamalarynyň möçberini artdyrmaga hem-de bu ugry mundan beýläk-de ösdürmäge gönükdirilen ylalaşyga gol çekdiler. Bu barada anna güni “Özbekdemirýollary” paýdarlar jemgyýeti habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.