Astrahanyň Olýa portunda türkmen logistika merkeziniň açylmagy meýilleşdirilýär
06-12-21
Astrahan oblastynyň we Türkmenistanyň telekeçilik boýunça bilelikdäki geňeşi çarşenbe güni geçirilen 3-nji mejlisiniň dowamynda hyzmatdaşlyk meselelerini, şol sanda Astrahanda Türkmenistanyň logistika merkeziniň açylmagyny ara alyp maslahatlaşdylar. Maslahat sanly ulgam arkaly geçirildi. Bu barada Astrahan oblastynyň häkiminiň metbugat gullugy habar berdi.
“Lotos” ýörite ykdysady zolagynyň baş direktory Sergeý Miluşkiniň aýtmagyna görä, merkez üçin mümkin bolan meýdan eýýäm kesgitlenildi. Ony Olýa portunyň çäginde döredilýän ýörite port ykdysady zolakda ýerleşdirmek meýilleşdirilýär.
Sebitiň senagat we tebigy baýlyklar ministri Denis Afanasýewiň aýtmagyna görä, 2021-nji ýylyň ilkinji 9 aýynda Astrahan oblasty bilen Türkmenistanyň arasyndaky söwda dolanyşygy 198 million 500 müň ABŞ dollaryna barabar boldy.
“Daşary söwdanyň mümkinçiliginiň has ýokarydygyna düşünýäris we bu ugurdaky gatnaşyklarymyzy has-da ösdürmek isleýäris” diýip, Afanasýew aýtdy.
Astrahanyň telekeçileriniň Türkmenistany oba hojalyk we senagat önümleri bilen üpjün etmäge we öz gezeginde Türkmenistandan dokma önümlerini, pagta süýümini hem-de polipropileni satyn almaga taýýardyklary bellenilýär.
Astrahan oblasty we Türkmenistan gämi gurluşygy pudagynda hem hyzmatdaşlyk saklaýar. Astrahanyň kärhanalary Türkmenistan üçin birnäçe nebit platformalaryny we beýleki flot desgalaryny gurdular hem-de täze gämi gurluşyk buýurmalary ýerine ýetirmäge taýýardyklaryny mälim etdiler.
https://business.com.tm/tm/post/7928/astrahanyn-olya-portunda-turkmen-logistika-merkezinin-achylmagy-meyilleshdirilyar
Türkmenistan bilen Özbegistan serhetüsti ýük daşamalarynda amallary ýeňilleşdirmegi maslahatlaşdy
Türkmenistan bilen Özbegistan serhetüsti ýük daşamalary üçin wizalary elektron görnüşde resmileşdirmek, töleg amallaryny kämilleşdirmek we “Farap-Alat” serhet geçelgesindäki tertip-düzgünleri ýokarlandyrmak, şeýle hem wagty tygşytlamak üçin nobatlary azaltmak meselelerine garadylar. Bu barada Özbegistanyň Ulag ministrligi penşenbe güni habar berdi.
Türkmenistan bilen Özbegistan göni howa gatnawlaryny dikeltmegi maslahatlaşdy
Türkmenistanyň Özbegistandaky ilçisi Şadurdy Meredow bilen Özbegistanyň ulag-logistika pudagynyň wekilleriniň arasynda geçirilen duşuşykda iki ýurduň arasynda göni howa gatnawlaryny täzeden ýola goýmagyň mümkinçiliklerine garaldy. Bu barada Özbegistanyň Ulag ministrligi penşenbe güni habar berdi.
Türkmenistan YHG-a agza ýurtlary üstaşyr logistika mümkinçilikleri bilen tanyşdyrdy
Türkmen wekiliýeti 12-nji awgustda Ykdysady Hyzmatdaşlyk Guramasyna (YHG) agza ýurtlaryň Söwda-senagat edaralarynyň ýolbaşçylarynyň gatnaşmagynda wideoaragatnaşyk arkaly guralan halkara maslahatynda sebitara arabaglanyşygy üpjün etmekde Türkmenistanyň üstaşyr logistika mümkinçiliklerini tanyşdyrdy. Bu barada Türkmenistanyň Söwda-senagat edarasy penşenbe güni habar berdi.
Aşgabatda ITTC 2026 halkara ulag-logistika forumy we sergisi geçiriler
Aşgabat şäherinde 24–26-njy noýabr aralygynda “Halkara ulag-üstaşyr geçelgeleri: özara arabaglanyşyk we ösüş – ITTC 2026” atly bäşinji Halkara logistika forumy we sergisi geçiriler. Çäre Türkmenistanyň Söwda-senagat edarasynda geçiriler. Bu barada “OGUZ Forum & Expo” habar berýär.
Merkezi Aziýanyň we Azerbaýjanyň ilçileri Transhazar hyzmatdaşlygynyň meselelerine garadylar
Merkezi Aziýa döwletleriniň we Azerbaýjanyň ilçileri 12-nji awgustda Waşingtonda Hazar deňziniň üsti bilen ulag we söwda aragatnaşygyny giňeltmek meseleleri boýunça pikir alyşdylar. Bu barada Türkmenistanyň ABŞ-daky ilçihanasy penşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.