BITARAPLYK — BAKY BAGTYMYZ
12-12-24
Türkmenistanyň daşary ýurtlar bilen dostlukly gatnaşyklaryny yzygiderli giňeltmegi, medeni hyzmatdaşlygy ösdürmegi uly ähmiýete eýedir. Berkarar döwletimiziň bagtyýarlyk döwründe daşary syýasatynyň üstünlikli amala aşyrylmagy netijesinde ýurdumyzda köpsanly halkara derejesindäki çäreler yzygiderli geçirilip durulýar.
Gahryman Arkadagymyzyň we Arkadagly Gahryman Serdarymyzyň başlangyçlarynyň üstünlikli durmuşa geçirilýändigini bellemek gerek. Gazanylýan üstünlikleriň aňyrsynda türkmen halkynyň Milli Lideriniň hem-de Arkadagly Gahryman Prezidentimiziň öz halkynyň asuda, abadan ýaşamagy, ýurdumyzyň abraýynyň mundan beýläk-de artmagy, dünýäde we sebitde parahatçylygyň, howpsuzlygyň we durnukly ösüşiň üpjün edilmegi üçin amala aşyrýan işleriniň, tagallalarynyň oňyn netijeleri dur. Mälim bolşy ýaly, häzirki wagtda Türkmenistan dünýäde möhüm meseleleriň çözülmegine netijeli çemeleşýän, özara bähbitli gatnaşyklary ösdürýän döwlet hökmünde tanalýar.
Döwlet Baştutanymyzyň belleýşi ýaly, Türkmenistanda geçirilýän iri halkara çäreleri ýurdumyzyň abraýynyň has-da beýgelmegine ýardam berýär. Hut şoňa görä-de,bu günki gün hormatly Prezidentimiziň baştutanlygynda hemişelik Bitarap döwletimiz sebitde ylalaşdyryjy merkeze öwrüldi. 1995-nji ýylyň 12-nji dekabrynda Birleşen Milletler Guramasynyň Baş Assambleýasy Türkmenistanyň hemişelik Bitaraplygy hakynda Kararnamany kabul etdi. 2015-nji ýylyň 3-nji iýunynda bolsa Milletler Bileleşigi ýurdumyzyň bu hukuk ýagdaýy baradaky Kararnamany ýene-de bir gezek tassyklady.
Şeýle hem BMG-niň Baş Assambleýasynyň Türkmenistanyň teklibi esasynda 12-nji dekabry Halkara Bitaraplyk güni diýip yglan etmek hakyndaky Kararnamany kabul etmegi Garaşsyz Watanymyzyň dünýäde parahatçylygy,howpsuzlygy we durnukly ösüşi üpjün etmäge goşýan mynasyp goşandynyň ählumumy ykrar edilmeginiň nobatdaky subutnamasy boldy.
Türkmenistanyň BMG-niň Baş Assambleýasynyň mejlislerine birnäçe gezek wise-başlyklyga saýlanmagy,mertebesi belent Prezidentimize dünýäniň ençeme döwletleriniň, abraýly halkara guramalarynyň ýokary sylaglarynyň gowşurylmagy, döwlet Baştutanymyzyň başlangyçlarynyň uly gyzyklanma döretmegi, köpsanly daşary ýurtlaryň biziň döwletimiz bilen gatnaşyklaryny ýola goýmagy aýdanlarymyzyň üstüni ýetirýär. Türkmenistanyň Birleşen Milletler Guramasy, Ýewropada Howpsuzlyk we Hyzmatdaşlyk Guramasy, Ýewropa Bileleşigi, Ykdysady Hyzmatdaşlyk Guramasy we başga-da köpsanly iri halkara guramalary bilen netijeli hyzmatdaşlyk edýändigi, şeýle-de Aşgabat şäherinde BMG-niň Merkezi Aziýa üçin öňüni alyş diplomatiýasy boýunça sebit merkeziniň işleýändigi hem munuň subutnamasydyr.
Hawa, hemişelik Bitaraplyk biziň içeri we daşary syýasatymyzyň binýatlyk esasyny düzýär, parahatçylyga, ösüşe gönükdirilen taslamalarymyzy, özgertmelerimizi beýik maksada — Garaşsyz, hemişelik Bitarap döwletimizi hemmetaraplaýyn ösdürmäge gönükdirýär. Goý, halkymyzy bagtyýar geljege alyp barýan belent mertebeli Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Aýjeren HALMURADOWA,
Beki Seýtäkow adyndaky Mugallymçylyk mekdebiniň 1-nji ýyl talyby.
BITARAPLYK — PARAHATÇYLYGYŇ HEM-DE DURNUKLY ÖSÜŞIŇ ÖZENI
Bitaraplyk ata Watanymyzyň parahatçylyk, agzybirlik, asudalyk hakyndaky soňlanmajak bagt aýdymydyr. Bitaraplyk türkmen ykbalynyň, durmuşynyň gül bolup açylmagydyr. Onuň ynsan ömrüne berýän bagty, bagtyýarlygy egsilmezdir. Aziýanyň merjen şäheri, ajaýyp paýtagtymyz Aşgabat şäheriniň giň we owadan köçeleriniň biri hem “Bitarap Türkmenistan şaýoly” bolup durýar.
«HEMIŞELIK BITARAPLYK PARAHATÇYLYGYŇ WE ÖSÜŞIŇ ÝOLUDYR»
Bitarap Watynymyzyň erkinligi, asudalygy, berkararlygy we ata-babalarymyzyň arzuwlan eýýamy bu günki gün Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň baştutanlygynda rowana ýollarda uly üstünliklere beslenýär. Halkara parhatçylyk we ynanyşmak ýylynda ýurdumyz dünýäniň birnäçe döwletleri bilen dostlukly gatnaşyklary alyp barýar.
«BAR ZADYŇ SAKASY SAGLYK»
Berkarar döwletimiziň täze eýýamynyň Galkynyşy döwründe her bir güni şanly senelere, toý-baýramlara beslenýän Türkmenistan döwletimizde her bir günimiz uly üstünliklere beslenýär. Türkmenistanda däl, eýsem, bütin dünýäde uly goldawa eýe bolýandygyny äşgär etdi. «Saglyk» Döwlet maksatnamasy ýurdumyzda saglygy goraýşy kämilleşdirmek babatda özgertmeleriň aýgytly tapgyryna geçmäge badalga berdi.
«BITARAPLYK, DOGANLYK — SAÝLAN AÝDYŇ ÝOLUMYZ!»
Hormatly Prezidentimiz Arkadagly Gahryman Seradrymyz «Garaşsyz döwletimiziň Bitaraplyk hukuk ýagdaýynyň maksady halkara hukugyň kadalaryna hem-de borçnamalaryna gyşarnyksyz eýerip, ýurdumyzyň geosyýasy we geoykdysady mümkinçiliklerini asuda, abadan durmuşyň, döredijilikli ösüşiň bähbidine gönükdirmekden ybaratdyr» diýip belleýär.
«Halkara ulag-logistiki hyzmatdaşlygy berkitmekde Türkmenistanyň durnukly ulag syýasatynyň orny» atly halkara ylmy-amaly maslahat geçirildi
Türkmenistanyň Inžener-tehniki we ulag kommunikasiýalary institutynda Halkara parahatçylyk we ynanyşmak ýyly, Türkmenistanyň hemişelik Bitaraplygynyň 30 ýyllygy we Bütindünýä durnukly ulag güni mynasybetli sanly ulgam arkaly «Halkara ulag-logistiki hyzmatdaşlygy berkitmekde Türkmenistanyň durnukly ulag syýasatynyň orny» atly halkara ylmy-amaly maslahat geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.