Türkmen-gazak ulag hyzmatdaşlygy maslahatlaşyldy
17-11-21
Gazagystanyň logistika kompaniýalarynyň wekilleri üstaşyr ýükleri barada maglumat alyşmakda hyzmatdaşlygy güýçlendirmegi teklip etdiler. Türkmenistanyň Gazagystandaky ilçisi Batyr Rejepow anna güni Gazagystanyň öňdebaryjy logistika kompaniýalarynyň wekilleri bilen duşuşdy. Onuň barşynda ulag we logistika pudagynda iki ýurduň arasyndaky hyzmatdaşlygyň ösdürilmeginiň mümkinçilikleri ara alnyp maslahatlaşyldy. Bu barada Türkmenistanyň resmi metbugaty habar berdi.
Habarda bellenilişi ýaly, gazak tarapyndan duşuşyga “Astyk Trans” paýdarlar jemgyýetiniň, “Iskomtrans”, “Semurg Invest”, “KTZ Express JSC”, “Multimodal Kompaniýa”, “TransLogistic Group” ýaly kompaniýalaryň, şeýle hem Gazagystanyň Söwda we integrasiýa ministrlikleriniň wekilleri gatnaşdylar.
Türkmen diplomaty duşuşyga gatnaşyjylara Türkmenistanyň ulag logistika pudagyndaky soňky üstünlikleri, şol sanda Aşgabat-Türkmenabat ýokary tizlikli awtoulag ýolunyň Aşgabat-Tejen böleginiň işe girizilendigi barada habar berdi. Şeýle hem, diplomat “Türkmenbaşy” halkara portunyň, “Türkmenawtoulaglary”, “Türkmendemirýollary” we “Türkmenhowaýollary” agentlikleriniň mümkinçilikleri bilen tanyşdyrdy.
Gazagystanyň logistika kompaniýalarynyň wekilleri hem öz gezeginde üstaşyr ýükleri barada maglumat alyşmakda hyzmatdaşlygy güýçlendirmegi teklip edip, türkmen kärdeşleri bilen hyzmatdaşlyga taýýardyklaryny mälim etdiler.
Şu ýylyň oktýabr aýynyň ahyrynda Gazagystanyň Prezidenti Kasym-Žomart Tokaýew döwlet sapary bilen Türkmenistana geldi. Saparyň dowamynda türkmen-gazak gepleşikleri geçirilip, birnäçe ikitaraplaýyn resminamalara gol çekildi.
https://business.com.tm/tm/post/7848/turkmengazak-ulag-hyzmatdashlygy-maslahatlashyldy
Türkmenistan bilen Özbegistan serhetüsti ýük daşamalarynda amallary ýeňilleşdirmegi maslahatlaşdy
Türkmenistan bilen Özbegistan serhetüsti ýük daşamalary üçin wizalary elektron görnüşde resmileşdirmek, töleg amallaryny kämilleşdirmek we “Farap-Alat” serhet geçelgesindäki tertip-düzgünleri ýokarlandyrmak, şeýle hem wagty tygşytlamak üçin nobatlary azaltmak meselelerine garadylar. Bu barada Özbegistanyň Ulag ministrligi penşenbe güni habar berdi.
Türkmenistan bilen Özbegistan göni howa gatnawlaryny dikeltmegi maslahatlaşdy
Türkmenistanyň Özbegistandaky ilçisi Şadurdy Meredow bilen Özbegistanyň ulag-logistika pudagynyň wekilleriniň arasynda geçirilen duşuşykda iki ýurduň arasynda göni howa gatnawlaryny täzeden ýola goýmagyň mümkinçiliklerine garaldy. Bu barada Özbegistanyň Ulag ministrligi penşenbe güni habar berdi.
Türkmenistan YHG-a agza ýurtlary üstaşyr logistika mümkinçilikleri bilen tanyşdyrdy
Türkmen wekiliýeti 12-nji awgustda Ykdysady Hyzmatdaşlyk Guramasyna (YHG) agza ýurtlaryň Söwda-senagat edaralarynyň ýolbaşçylarynyň gatnaşmagynda wideoaragatnaşyk arkaly guralan halkara maslahatynda sebitara arabaglanyşygy üpjün etmekde Türkmenistanyň üstaşyr logistika mümkinçiliklerini tanyşdyrdy. Bu barada Türkmenistanyň Söwda-senagat edarasy penşenbe güni habar berdi.
Aşgabatda ITTC 2026 halkara ulag-logistika forumy we sergisi geçiriler
Aşgabat şäherinde 24–26-njy noýabr aralygynda “Halkara ulag-üstaşyr geçelgeleri: özara arabaglanyşyk we ösüş – ITTC 2026” atly bäşinji Halkara logistika forumy we sergisi geçiriler. Çäre Türkmenistanyň Söwda-senagat edarasynda geçiriler. Bu barada “OGUZ Forum & Expo” habar berýär.
Merkezi Aziýanyň we Azerbaýjanyň ilçileri Transhazar hyzmatdaşlygynyň meselelerine garadylar
Merkezi Aziýa döwletleriniň we Azerbaýjanyň ilçileri 12-nji awgustda Waşingtonda Hazar deňziniň üsti bilen ulag we söwda aragatnaşygyny giňeltmek meseleleri boýunça pikir alyşdylar. Bu barada Türkmenistanyň ABŞ-daky ilçihanasy penşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.