ÝAŞULY PAÝHASY
01-10-24
Türkmeniň ykbal asmanyndan nur saçýan Berkarar döwletiň täze eýýamynyň Galkynyşy döwri halkymyza diňe bir eşretli eýýamyň gapysyny giňden açyp bermän, eýsem, onuñ asyrlaryñ jümmüşinden gözbaş alýan ýol-ýörelgelerini, däp-dessurlaryny, edim-gylymlaryny täzeden dikeltmeklige, medeni we ruhy miraslarynyň il-günüñ köñül ganatyna öwrülmegine hem giň mümkinçilik berdi.
Türkmen halkynyň durmuşynda taryhyň ähli döwürlerinde, durmuşyň dürli pursatlarynda, ýaşululara sala salyp, sözüni diňlemek, olar bilen geňeşip, hak çözgüdi oňlamak elmydama dogry netijäniň üstünden eltipdir. Munuň aňyrsynda durmuş meýdanynda taplanan, her bir bolýan hadysadan, wakadan dürs netije çykarmagy başarýan ýaşulylaryň köp ýyllaryň dowamynda toplan tejribesi, paýhasy ýatyr. Pendi ýüreklere ornan pederlerimiziň, hüwdüsi hak ýola ündän enelerimiziň mähir-muhabbeti ýatyr. Çünki akyl bilen tejribe, ynam bilen yhlas utgaşanda, ynsana mahsus hakyky kämilligi gazanyp bolýar. Berkarar döwletiň täze eýýamynyň Galkynyşy döwründe Arkadagly Gahryman Prezidentimiziň milli ruhy gymmatlyklara, mukaddesliklere goýýan sarpasy netijesinde Watany söýmegiň, il-günüňe, halkyňa wepaly bolmagyň nusgasyny görkezen ýaşulylarymyzyň mertebesi has hem belent derejelere çykdy.
Ýaşuly paýhasyna eýermek, olaryň gory egsilmeýän öwüt-ündewlerine uýmak döwlet derejesinde ýola goýuldy. Aýdan sözi hikmete, alkyşy altyna deňelýän ýaşulylarymyz bilen agzybir otagyň howruna çoýunyp, bir saçagyň başynda döwletli gürrüňleri etmek, olaryň sözüni diňlemek, makullamasyny almak gowulykdan nyşandyr. Bu döwlet derejesindäki meseleleriň oňyn çözülmegi, tutumly maksatlaryň, tagallalaryň mundan buýanada ugrugyp gitmegi, döwletimiziň pajarlap ösmegi üçin, raýatlaryň abadan ýaşaýşynyň dowamaty üçin süňňi sozulmaýan kepillikdir.
Öňdengörüji we parasatly jemgyýeti, bagtyýar zamanasy, paýhasly we sylagly gojalary, eziz hem mährem eneleri bolan halk bagtlydyr. Şu uly buýsanç duýgusy bilen hem türkmen halkymyz - bize özleriniň gahrymançylykly zähmeti bilen bu günki eşretli ýaşaýşymyzy peşgeş beren ýaşulylarymyz bilen geljekde mukaddes Watanymyzy has belent sepgitlere ýetirmeli bolan ýaşlarymyz bilelikde eziz Gahryman Arkadagymyzyň we Arkadagly Gahryman Serdarymyzyň baştutanlygynda agzybirlik bilen mukaddes Garaşsyzlygymyzyň şanly 33 ýyllyk toýuny uly üstünlikler bilen garşy aldy!
Zuhrat AÇILOWA,
Çärjew etrabynyň 28-nji orta mekdebiniň iňlis dili mugallymy.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
Halk Maslahaty: demokratiýa, döwletlilik, jebislik
Berkarar döwletiň täze eýýamynyň Galkynyşy döwründe Türken halkynyň Milli Lidei Gahryman Arkadagymyzyň döwlet gurluşyny kämilleşdirmek, halkyň ýaşaýyş derejesini ýokarlandyrmak, ykdysady kuwwaty artdyrmak boýunça öňe sürýän başlangyçlary häzirki wagtda hormatly Prezidentimiz, Arkadagly Gahryman Serdarymyzyň baştutanlygynda üstünlikli dowam etdirilýär. Milli gymmatlyklara, asylly ýörelgelere uly üns berilýär we olar döwrebap derejede ösdürilýär.
Milli demokratiýanyň dabaralanmasy
Gahryman Arkadagymyzyň we Arkadagly Gahryman Serdarymyzyň parasatly baştutanlygynda ýurdumyzy durmuş-ykdysady taýdan durnukly ösdürmäge, ilatyň ýaşaýyş-durmuş derejesini ýokarlandyrmaga gönükdirilen giň gerimli özgertmeler amala aşyrylýar. Ýurdy hemmetaraplaýyn özgertmekde, jemgyýeti jebisleşdirmekde Halk Maslahatynyň ähmiýeti uludyr.
Merkezi kazyýet lukmançylygynyň belent sepgitleri
Türkmenistanyň saglygy goraýyş ulgamynda amala aşyrylýan giň gerimli özgertmeleriň netijesinde kazyýet lukmançylygy gullugy hem täze ösüş ýoluna düşdi. 2016-njy ýylyň 21-nji iýulynda açylan Morfologiýa merkeziniň Merkezi kazyýet lukmançylygy edarasy geçen on ýylyň dowamynda özüni ýokary derejeli ylmy-amaly merkez hökmünde tanatdy.
TÄZE TEJRIBE – KÄMILLIGE ÝOL
Berkarar döwletiň täze eýýamynyň Galkynyşy döwründe peder ýoluny mynasyp dowam edýän Arkadagly Gahryman Serdarymyzyň parasatly baştutanlygynda ýurdumyzyň bilim binýadyny ýokarlandyrmak ugrunda ägirt uly işler durmuşa geçirilýär. Häzirki wagtda ýurdumyzda talyplaryň bilim almagy diňe nazaryýet bilen çäklenmän, eýsem, olary amaly tejribe ýoluna ugrukdyrmak zerur bolup durýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.