TÜRKMENISTAN - RYSGAL-BEREKETIŇ WATANY
24-09-21
Berkarar döwletimiziň bagtyýarlyk döwründe Garaşsyz, hemişelik Bitarap Diýarymyzyň oba hojalygy uly ösüşlere, özgerişlere eýe bolýar. Hormatly Prezidentimiziň çäksiz aladasy netijesinde bu ulgama hemmetaraplaýyn berilýän ýardamyň netijesinde milli ykdysadyýetimiziň ösmegine saldamly goşant goşýan oba hojalyk toplumynyň işi barha ilerleýär. Şonuň bilen baglylykda ýurdumyzda oba hojalyk ekinleriniň bereket bolçulygy döredilýär. Oba hojalyk tehnikalarynyň ençemesiniň satyn alynmagy, suw, dökün üpjünçiliginiň gowulandyrylmagy daýhanlaryň göwünlerini galkyndyrýar.
Milli Liderimiziň döredip berýän mümkinçiliklerinden ruhlanan edermen daýhanlarymyzyň halal zähmetinden önýän guşgursak ak bugdaýymyzyň, “ak altynyň”, dürli görnüşli gök we bakja ekinleriniň bol hasyly türkmen saçagynyň berekedi bolup, ol bagtyýar ilimiziň agzybirligini alamatlandyrýar.
Gahryman Arkadagymyzyň edermen, armazak, işjanly babadaýhanlarymyza berýän yzygiderli atalyk goldawlary netijesinde göreniňde gözüňi dokundyrýan azyk bolçulygy döreýär, ak bazarlarymyz dürli miwe we bakja önümlerinden dolýar.
Ene ýere yhlas edene, der döküp zähmet çekene sahawatly topragymyzyň bereketi bolluk bilen eçilýändigini gündelik durmuşymyzda görýäris. Päk zähmet çekip gazanylan gazanjyň bereket hümmeti-de başgaça bolýar. Daýhançylyk bize ata-babalarymyzdan miras galan kesp. Onuň bilen meşgullanmak bagtyýarlyk döwründe abraý-mertebeli işe öwrüldi. Hormatly Prezidentimiziň ähli taraplaýyn ýardam bermegi amala aşyrylýan düýpli özgertmeler milli ykdysadyýetimiziň ösmegine uly goşant goşýan oba hojalyk toplumynyň işini barha ilerledýär, pudagyň ähli önümçilik düzümlerinde buýsandyryjy netijeler gazanylýar.
Hormatly Prezidentimiz ylmyň gazananlaryny, innowasiýa tehnologiýalaryny agrosenagat toplumyna giňden ornaşdyrmak barada yzygiderli aladalar edýär. Şol ägirt uly aladalaryň ýerine düşýändigini bu günki günde durmuşyň aýnasyna öwrülen ak bazarlarymyzyň bolçulygynyň mysalynda hem göz ýetirmek bolýar.
Eziz Diýarymyzy rysgal-bereketiň Watanyna öwren Gahryman Arkadagymyzy, bagtyýarlyk döwrüniň hözürini görüp bereketli türkmen topragynda ýaşaýan, gurýan we döredýän, zähmet çekýän halkymyzy ýetip gelen Mukaddes Garaşsyzlygymyzyň şanly 30 ýyllyk baýramy bilen ak ýürekden gutlaýarys!
Maýa MISEKOWA,
S.A.Nyýazow adyndaky Türkmen oba hojalyk uniwersitetiniň uly mugallymy.
Beýik Ýüpek ýoly we Türkmenistan: Taryhyň hem-de häzirki zaman ösüşiniň ýüregi
Gadymy döwürlerden bäri adamzat siwilizasiýasynyň ösüşine uly goşant goşan Beýik Ýüpek ýoly şöhratly taryhçylary we jahankeşdeleri hemişe gyzyklandyryp gelen rowaýata öwrülen taryhy mirasdyr. Dünýä ylmynda bu gadymy ýol barada ummasyz köp ylmy işler çap edilip, olar Gerodot ýaly gadymy döwrüň meşhur alymlarynyň gymmatly taryhy maglumatlaryndan gözbaş alýar.
AHALTEKE ATLARY ÖSÜŞLERIŇ NYŞANY
Berkarar döwletiň täze eýýamynyň Galkynyşy döwründe Gahryman Arkadagymyzyň halkymyzyň milli buýsanjy we baýlygy hasaplaýan behişdi ahalteke bedewleriniň dünýädäki şan-şöhratyny has-da belende galdyrmak, olaryň baş sanyny köpeltmek boýunça başyny başlan başlangyçlary Arkadagly Gahryman Serdarymyz tarapyndan üstünlikli durmuşa geçirilýär.
Dünýä ýaň salan üstünlikler
Türkmen halkynyň Milli Lideri Gahryman Arkadagymyz «Atda wepa-da bar, sapa-da» atly kitabynda: «Belli bir halkyň döreden gymmatlygy wagtyň geçmegi bilen dünýäniň gymmatlygyna öwrülýär» diýip belleýär. Hakykatdan hem, asyrlaryň jümmüşinden gözbaş alyp gaýdýan behişdi ahalteke bedewlerimiz bu günki günde bütin adamzadyň medeni mirasynyň iň naýbaşy gymmatlyklarynyň birine öwrüldi.
Türkmenistanyň Prezidenti Çehiýa Respublikasynyň Prezidentini gutlady
Hormatly Prezidentimiz Serdar Berdimuhamedow Çehiýa Respublikasynyň Prezidenti Petr Pawele we ýurduň ähli halkyna Çehiýa Respublikasynyň Garaşsyzlyk güni mynasybetli mähirli gutlaglaryny hem-de iň gowy arzuwlaryny iberdi.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.