«Altyn Asyr» ÝGPJ-i sanly hyzmatlaryny barha artdyrýar
22-09-21
Garaşsyzlyk ýyllarynda sanly ulgamyň gerimi ýurdumyzyň milli ykdysadyýetine we ýaşaýyş-durmuş şertlerine has kämilleşdirilýän usullar bilen berk ornaşdyrylyp, Hormatly Prezidentimiziň parasatly baştutanlygynda aragatnaşyk ulgamynyň ähli pudaklary maddy-enjamlaýyn binýadyny dünýäniň öňdebaryjy tehnologiýasy esasynda barha pugtalandyrýar.
«Türkmenaragatnaşyk» agentliginiň «Altyn Asyr» Ýapyk görnüşli paýdarlar jemgyýeti birnäçe ýyllaryň dowamynda sanly ulgamyň bäsleşige ukyply şertlerinden we mümkinçiliklerinden netijeli peýdalanyp, ýurdumyzyň telekommunikasiýa ulgamynyň hyzmatlarynyň möçberini, hilini we görnüşlerini artdyryp, halk köpçüligine hödürleýär.
Öýjükli aragatnaşyk ulgamynyň ýokary hilli hyzmaty, halkara rouming aragatnaşyk hyzmaty, ykjam, durnukly we giň zolakly Internet, teleýalymlara tomaşa etmek hyzmatlary tehnologiýa döwrüniň talaplaryna laýyklykda amala aşyrylýar.
Häzirki wagtda, bukjalaýyn nyrhnamalar Internet-50, Sowgat 500, Sowgat 1000+, Sowgat 2000, şeýle hem çäksiz gepleşikler+, Amatly, Tygşytly, Seniň ulgamyň 1, Sada, Gürleşiber, 3G Internet WСDMA ýaly hyzmatlar aragatnaşyk ulgamynyň mümkinçiliklerini has elýeterli etmek maksady bilen halk köpçüligine hödürlenýär.
“Çäksiz saz” hyzmaty müşderiler tarapyndan uly islegden peýdalanýar we bu hyzmat TMСELLSAZ programmasynyň kömegi bilen on müňlerçe dürli sazy diňlemäge mümkinçilik berýär. Şeýle hem, aýdym-sazyň muşdaklary üçin, ýakynda täze “Sazz” LTE ulgamynda çäksiz aýdym-saz giňişligi döredildi.
Ýurdumyzyň we dünýä täzelikleri bilen tanyşmak üçin “Mobile TV TMCell” LTE ulgamynda teleýaýlymlary online görnüşinde görmek bolýar. Şeýle-de, gazet-žurnallary okamak üçin “Türkmenmetbugat” programmasynyň abuna ýazgysynyň tölegini «Altyn Asyr» Ýapyk görnüşli paýdarlar jemgyýetiniň müşderileri öz belgisindäki hasaby boýunça amala aşyryp bilerler.
“TMCELL Şahsy Otag” hyzmaty – elektron usulda hasabyňy doldurmak, nyrhnamalary üýtgetmek, internet bukjalary birikdirmek, aragatnaşyk hyzmatlaryny birikdirmek we öçürmek ýaly hyzmatlary dolandyrmaga mümkinçilik berýär.
«Altyn Asyr» ÝGPJ-i tarapyndan ýola goýulan “Taхi hyzmaty” bilen sanly ulgamyň mümkinçilikleri has-da kämilleşdirildi.
Häzirki wagtda, «Altyn Asyr» Ýapyk görnüşli paýdarlar jemgyýeti edara-kärhanalar tarapyndan “APN” maglumatlar ulgamyna birikmek hyzmatyny ýerine ýetirýär.
“Elektron resminama dolanşygy” «Altyn Asyr» ÝGPJ-i boýunça doly ýola goýuldy we www.tmcell.tm web-saýty döredildi. Şeýle hem, “@tmcell.tm” elektron resminama dolanşygy üçin elektron poçtasy döredildi.
«Altyn Asyr» Ýapyk görnüşli paýdarlar jemgyýetiniň agzybir we zähmetsöýer hünärmenleri Hormatly Prezidentimiziň aragatnaşyk ulgamynyň halkara abraýyny has-da ýokarlandyrmak babatda durmuşa geçirýän ägirt işlerini özlerine baş ýörelge edinip, maglumat-telekommunikasiýa ulgamyny mundan beýläkde ösdürmekde we eziz Diýarymyzyň şan-şöhratyny älem giňişligine äşgär etmekde, ähli başarnyklaryny we tagallalaryny gaýgyrman yhlasly zähmetleri bilen, «Halkara parahatçylygyň we ynanyşmagyň Watany» diýlip yglan edilen ýylynda Mukaddes Garaşsyzlygymyzyň şanly 30 ýyllyk baýramyny garşy alýarlar.
Türkmenistan bilen Özbegistan serhetüsti ýük daşamalarynda amallary ýeňilleşdirmegi maslahatlaşdy
Türkmenistan bilen Özbegistan serhetüsti ýük daşamalary üçin wizalary elektron görnüşde resmileşdirmek, töleg amallaryny kämilleşdirmek we “Farap-Alat” serhet geçelgesindäki tertip-düzgünleri ýokarlandyrmak, şeýle hem wagty tygşytlamak üçin nobatlary azaltmak meselelerine garadylar. Bu barada Özbegistanyň Ulag ministrligi penşenbe güni habar berdi.
Türkmenistan bilen Özbegistan göni howa gatnawlaryny dikeltmegi maslahatlaşdy
Türkmenistanyň Özbegistandaky ilçisi Şadurdy Meredow bilen Özbegistanyň ulag-logistika pudagynyň wekilleriniň arasynda geçirilen duşuşykda iki ýurduň arasynda göni howa gatnawlaryny täzeden ýola goýmagyň mümkinçiliklerine garaldy. Bu barada Özbegistanyň Ulag ministrligi penşenbe güni habar berdi.
Türkmenistan YHG-a agza ýurtlary üstaşyr logistika mümkinçilikleri bilen tanyşdyrdy
Türkmen wekiliýeti 12-nji awgustda Ykdysady Hyzmatdaşlyk Guramasyna (YHG) agza ýurtlaryň Söwda-senagat edaralarynyň ýolbaşçylarynyň gatnaşmagynda wideoaragatnaşyk arkaly guralan halkara maslahatynda sebitara arabaglanyşygy üpjün etmekde Türkmenistanyň üstaşyr logistika mümkinçiliklerini tanyşdyrdy. Bu barada Türkmenistanyň Söwda-senagat edarasy penşenbe güni habar berdi.
Aşgabatda ITTC 2026 halkara ulag-logistika forumy we sergisi geçiriler
Aşgabat şäherinde 24–26-njy noýabr aralygynda “Halkara ulag-üstaşyr geçelgeleri: özara arabaglanyşyk we ösüş – ITTC 2026” atly bäşinji Halkara logistika forumy we sergisi geçiriler. Çäre Türkmenistanyň Söwda-senagat edarasynda geçiriler. Bu barada “OGUZ Forum & Expo” habar berýär.
Merkezi Aziýanyň we Azerbaýjanyň ilçileri Transhazar hyzmatdaşlygynyň meselelerine garadylar
Merkezi Aziýa döwletleriniň we Azerbaýjanyň ilçileri 12-nji awgustda Waşingtonda Hazar deňziniň üsti bilen ulag we söwda aragatnaşygyny giňeltmek meseleleri boýunça pikir alyşdylar. Bu barada Türkmenistanyň ABŞ-daky ilçihanasy penşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.