Türkmenistan — parahatçylygyň we ynanyşmagyň Watany
08-09-21
Gahryman Arkadagymyzyň taýsyz tagallalary bilen ata Watanymyz bagtyýar ýaşaýşyň ýurduna öwrüldi. «Döwlet adam üçindir!» diýen baş ýörelgäni baýdak edinip, durmuşa geçirilýän düýpli özgertmeler Türkmenistan döwletimiziň syýasy durnuklylygyny, ösüşini, ähli pudaklarynyň sazlaşykly ösüşini üpjün edýär. Berkarar döwletimiziň bagtyýarlyk döwrüniň her bir ýyly uly ösüşleriň, beýik özgertmeleriň ýylyna öwrülip gelýär. Gün-günden bagtyýarlygyň täze ýakymy bilen beslenýän Diýarymyzyň asylly başlangyçlary dünýä halklary tarapyndan gyzgyn goldaw tapýar.
Türkmenistanyň teklibi boýunça Birleşen Milletler Guramasynyň Baş Assambleýasynyň 73-nji sessiýasynda «2021-nji ýyl — Halkara parahatçylyk we ynanyşmak ýyly» atly Kararnama sessiýanyň resminamasy hökmünde kabul edildi. Bu bolsa hormatly Prezidentimiziň alyp barýan umumadamzat başlangyçlarynyň bütin dünýäde nusgalyk häsiýete eýe bolup durýandygynyň nobatdaky subutnamasy boldy.
Mähriban Arkadagymyzyň eýe eden bagtyýarlyk döwründe ýurdumyz halkara bähbitli işleri giň gerimde amala aşyrýar. Dostlukly döwletler, abraýly halkara guramalary bilen dürli ugurlardaky gatnaşyklaryň ösdürilmegi bolsa halklary ruhy taýdan ýakynlaşdyrýar. Hemişelik Bitaraplygymyz agzybir halkymyzyň asylly maksatlara eýerýän ösüşlerini has-da rowaçlandyrmakda, ata-babalarymyzdan gelýän däp-dessurlarymyzy, ýol-ýörelgelerimizi dünýä ýaýmakda daýanç sütüni bolup hyzmat edýär. Milli Liderimiz Birleşen Milletler Guramasynyň Baş Assambleýasynyň sessiýalarynda eden çykyşlarynda ýurdumyzyň bitaraplyk derejesine berk eýerýändigini aýdyň beýan etdi. Şonuň üçin-de adamzadyň parahat durmuşda ýaşamagy üçin tagallalar edýän Gahryman Arkadagymyza dünýä halklary uly sarpa goýýar.
Bu günki gün bolsa türkmen halky bagtdan doly aýdyň ertirleri, gülküden hem şatlykdan püre-pür asuda günleri getirýän «Türkmenistan — parahatçylygyň we ynanyşmagyň Watany» ýylynda mukaddes Garaşsyzlygymyzyň şanly 30 ýyllyk toýuny zähmet ýeňişler, uly üstünlikler bilen dabaraly garşy almaga taýýarlyk görýär.
Bizi bagtyýarlygyň sakasynda ýaşadýan Gahryman Arkadagymyzyň jany sag, ömri uzak, tutýan tutumly işleri rowaçlyklara beslensin!
Baýrammuhammet HANOW,
S.A.Nyýazow adyndaky Türkmen oba hojalyk uniwersitetiniň talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.