WATANYŇ KUWWATY - BILIMLI NESIL
24-08-21
Berkarar döwletimiziň bagtyýarlyk döwründe döwletimiziň ösüşiniň ähli ugurlarynda döwrebap özgertmeler amala aşyrylýar. Döwletimizde ýaşlaryň bagtyýar geljegini üpjün etmek, olaryň ylymly-bilimli, giň düşünjeli, täze tehnologiýalardan baş çykarýan adamlar bolup ýetişmekleri üçin uly işler durmuşa geçirilýär. Häzirki döwürde dünýäniň çalt depginler bilen ösýän döwletleriniň hataryna ynamly goşulan Garaşsyz, hemişelik Bitarap Türkmenistan Watanymyzda ýaşlaryň hukuklary ygtybarly goralýar, olaryň ýaşaýyş derejesi we durmuş taýdan goraglylygy yzygiderli ýokarlandyrylýar.
«Türkmenistanda ýaşlar baradaky döwlet syýasatynyň 2015 — 2020-nji ýyllar üçin Döwlet maksatnamasy» döwrüň talabyna laýyk gelýän, innowasion tehnologiýalardan baş çykarýan ýaş hünärmenleri taýýarlamakda, olaryň okamagy we zähmet çekmegi üçin oňyn şertleri döretmekde, saglygyny goramakda, ýaşlar telekeçiligini ösdürmekde, bedenterbiýe, sport we sagdyn durmuş ýörelgelerini berjaý etmekde, halkara ýaşlar hyzmatdaşlygyna goldaw bermek üçin şertleri döretmekde möhüm resminama bolup durýar.
Berkarar döwletimiziň bagtyýarlyk döwründe milli Liderimiz tarapyndan bilim ulgamyny ösdürmekde, ony halkara derejelerine çykarmakda uly tagallalar edilýär. Ýaşlarymyzyň ylymly-bilimli, dünýäniň ösen tehnologiýalaryndan habarly bolmaklary üçin uly mümkinçilikler döredilýär. Ýurdumyzyň ähli okuw mekdepleriniň maddy-enjamlaýyn binýadynyň berkemegi bilen, ýaşlaryň iň kämil tehniki serişdelerinden, internet torundan peýdalanmaklaryna giň ýol açyldy. Watanymyzy hemmetaraplaýyn ösdürmegiň döwlet maksatnamalaryna laýyklykda, ýurdumyzda uly özgerişleri amala aşyrmakda alnyp barylýan işlere bilimli, hünärine ussat, başarnykly ýaşlary çekmek maksady bilen, täze, döwrebap orta we ýokary okuw mekdepleri, olarda döwrüň talabyna laýyk gelýän täze hünärler yzygiderli açylýar, berkarar Watanymyzyň, şeýle hem dünýä ýurtlarynyň abraýly bilim ojaklarynda okamak üçin giň mümkinçilikler we ähli şertler döredilýär. Ýaşlaryň bilim derejeleriniň artdyrylmagy göz öňünde tutulyp, okuw kitaplarynyň, gollanmalarynyň taýýarlanyşy kämilleşdirilýär.
Hormatly Prezidentimiziň taýsyz tagallalary netijesinde berkarar döwletimizde ýaşlara yzygiderli goldaw bermek maksady bilen dürli ugurlarda bäsleşikler, maslahatlar, sergiler, festiwallar we beýleki çäreler guralýar, ylmy-usuly gollanmalar, maglumat-görkezme esbaplary, ylmy-barlag, gözleg-agtaryş serişdeleri ýokary hilde işlenip taýýarlanylýar, şeýle-de türkmen ýaşlarynyň halkara derejesinde dürli ugurlar boýunça geçirilýän bäsleşiklerde, olimpiadalarda üstünlikli çykyş etmekleri üçin ähli mümkinçilikler döredilýär.
Häzir ýurdumyzyň ylmy-tehniki, innowasion syýasatyny durmuşa geçirmek, ylym ulgamy bilen ýurdumyzyň ykdysadyýetiniň pudaklarynyň arabaglanyşygyny berkitmek, ýurdumyzyň zehinli ýaşlaryny edara-kärhanalarda, ýokary okuw mekdeplerinde ýerine ýetirilýän düýpli, amaly we ylmy-barlag işlerine çekmek, häzirki zaman ylmyndan habarly ýaş alymlaryň täze neslini kemala getirmek, Türkmenistanyň ylmy-barlag institutlarynyň, edara-kärhanalarynyň düzümini ýaş alymlar bilen berkitmek baradaky wezipeler üstünlikli durmuşa geçirilýär.
Türkmen ýaşlarynyň bagtyýar durmuşyny we röwşen geljegini üpjün etmek babatda ägirt uly işleri durmuşa geçirýän Gahryman Arkadagymyzyň janynyň sag, belent başynyň aman bolmagyny, il-ýurt bähbitli işleriniň rowaçlyklara beslenmegini arzuw edýäris!
Çemen WEKILOWA
Türkmenistanyň Inžener-tehniki we ulag kommunikasiýalary
institutynyň mugallymy.
Özbegistan Türkmenbaşy porty arkaly Ýewropa ýük konteýneri gatnawyny ýola goýdy
“Uztemirýulkonteýner” paýdarlar jemgyýeti 2025-nji ýylda Özbegistandan Ýewropa ýurtlaryna Türkmenistanyň Türkmenbaşy porty arkaly yzygiderli ýük konteýner gatnawlaryny ýola goýdy. Bu barada “Uztemirýulkonteýner” kompaniýasy duşenbe güni habar berdi.
Belarus Türkmenistandan üstaşyr Eýrana tizleşdirilen konteýner otlusyny işe girizdi
Belarus Respublikasynyň “Beltamožservis” döwlet kärhanasy ýükleri Eýran Yslam Respublikasyna eksport etmek maksady bilen Türkmenistanyň çäginden geçýän täze tizleşdirilen demir ýol ugruny işe girizdi. Bu barada Belarusyň STV teleýaýlymy sişenbe güni habar berdi.
Türkmenistanyň Ählumumy howpsuzlyk konsepsiýasyny işläp düzmek boýunça alyp barýan işlerine ýokary baha berildi
Aşgabatda geçirilen Halkara parahatçylyk we ynanyşmak forumyna gatnaşyjylar — döwlet we hökümet Baştutanlary Türkmenistanyň Ählumumy howpsuzlyk konsepsiýasyny işläp düzmäge hem-de köpçülikleýin parahatçylyk baradaky häzirki zaman düşünjesini kemala getirmäge gönükdirilen tagallalaryna ýokary baha berdiler. Bu barada forumyň jemleri boýunça kabul edilen Aşgabat Jarnamasynda bellenildi.
«Türkmen alabaý itlerini ösdürip ýetişdirmek däpleri» ÝUNESKO-nyň Adamzadyň maddy däl medeni mirasynyň sanawyna girizildi
2025-nji ýylyň 16-njy dekabrynda Halkara ahalteke atçylyk assosiasiýasynyň we Halkara «Türkmen alabaý itleri» assosiasiýasynyň merkezinde «Türkmen alabaý itlerini ösdürip ýetişdirmek däpleri» atly milli hödürnamanyň ÝUNESKO-nyň Adamzadyň maddy däl medeni mirasynyň sanawyna girizilendigi baradaky güwänamanyň gowşurylyş dabarasy boldy.
«Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahatyň Jemleýji resminamasy
Birleşen Milletler Guramasynyň Tertipnamasynyň maksatlaryna we ýörelgelerine, şol sanda adam hukuklaryna hormat goýulmagyna, erkekler bilen zenanlaryň deňhukuklylygyna, ählumumy howpsuzlygyň, ösüşiň üpjün edilmegine ygrarlydygymyzy tassyklap,
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.