Türkmenistan we Özbegistan howa gatnawlaryny täzeden dikeltmekçi
07-08-21
Aşgabatda Söwda-ykdysady, ylmy tehniki we medeni hyzmatdaşlyk boýunça türkmen-özbek hökümetara toparynyň türkmen tarapynyň başlygy Türkmenistanyň Ministrler Kabinetiniň Başlygynyň orunbasary Esenmyrat Orazgeldýewiň we bu toparyň özbek tarapynyň başlygy Özbegistanyň Maýa goýumlar we daşary söwda ministri Sardor Umarzakowyň arasynda duşuşyk geçirildi. Duşuşygyň dowamynda howa we halkara awtoulag gatnawlaryny täzeden dikeltmek meselelerini ara alyp maslahatlaşdylar.
Özbegistanyň Maýa goýumlar we daşary söwda ministrliginiň metbugat gullugynyň çarşenbe güni habar berşi ýaly, ýygnakda taraplar ulag we logistika ulgamlarynda hyzmatdaşlygy pugtalandyrmagyň geljegini maslahatlaşdylar.
Şeýlelikde, iki ýurduň transport ministrlikleriniň sanitariýa we epidemiologiki talaplaryna laýyklykda göni howa we halkara awtoulag gatnawlaryny täzeden ýola goýmak meseleleriniň üstünde işlemeklik ylalaşyldy.
Mundan başga-da, serhet nokatlarynyň işini ýokarlandyrmak, özara söwdanyň ösmegi üçin nyrh taýdan we nyrh däl päsgelçilikleri aradan aýyrmak hem-de iki ýurduň transport kuwwatyny we üstaşyr mümkinçiliklerini ulanmagyň netijeliligini ýokarlandyrmak boýunça bilelikdäki çäreleri işläp düzmek işleri alnyp barlar.
Habarda bellenilişi ýaly, işlenilip düzülen çäreler we teklipler Özbegistan bilen Türkmenistany birleşdirýän ulag koridorlaryny mundan beýläk-de ösdürmek üçin degişli “Ýol kartasynda” beýan ediler.
Şeýle hem, taraplar türkmen-özbek Işewürlik geňeşiniň ikinji mejlisiniň çäginde ýakyn wagtda Özbegistanda hökümetara toparynyň indiki ýygnagyny geçirmek barada ylalaşdylar.
Gepleşikleriň netijesinde taraplar gazanylan şertnamalary iş ýüzünde durmuşa geçirmek üçin ileri tutulýan ädimleri kesgitlediler.
Özbegistan Türkmenbaşy porty arkaly Ýewropa ýük konteýneri gatnawyny ýola goýdy
“Uztemirýulkonteýner” paýdarlar jemgyýeti 2025-nji ýylda Özbegistandan Ýewropa ýurtlaryna Türkmenistanyň Türkmenbaşy porty arkaly yzygiderli ýük konteýner gatnawlaryny ýola goýdy. Bu barada “Uztemirýulkonteýner” kompaniýasy duşenbe güni habar berdi.
Belarus Türkmenistandan üstaşyr Eýrana tizleşdirilen konteýner otlusyny işe girizdi
Belarus Respublikasynyň “Beltamožservis” döwlet kärhanasy ýükleri Eýran Yslam Respublikasyna eksport etmek maksady bilen Türkmenistanyň çäginden geçýän täze tizleşdirilen demir ýol ugruny işe girizdi. Bu barada Belarusyň STV teleýaýlymy sişenbe güni habar berdi.
Türkmenistanyň Ählumumy howpsuzlyk konsepsiýasyny işläp düzmek boýunça alyp barýan işlerine ýokary baha berildi
Aşgabatda geçirilen Halkara parahatçylyk we ynanyşmak forumyna gatnaşyjylar — döwlet we hökümet Baştutanlary Türkmenistanyň Ählumumy howpsuzlyk konsepsiýasyny işläp düzmäge hem-de köpçülikleýin parahatçylyk baradaky häzirki zaman düşünjesini kemala getirmäge gönükdirilen tagallalaryna ýokary baha berdiler. Bu barada forumyň jemleri boýunça kabul edilen Aşgabat Jarnamasynda bellenildi.
«Türkmen alabaý itlerini ösdürip ýetişdirmek däpleri» ÝUNESKO-nyň Adamzadyň maddy däl medeni mirasynyň sanawyna girizildi
2025-nji ýylyň 16-njy dekabrynda Halkara ahalteke atçylyk assosiasiýasynyň we Halkara «Türkmen alabaý itleri» assosiasiýasynyň merkezinde «Türkmen alabaý itlerini ösdürip ýetişdirmek däpleri» atly milli hödürnamanyň ÝUNESKO-nyň Adamzadyň maddy däl medeni mirasynyň sanawyna girizilendigi baradaky güwänamanyň gowşurylyş dabarasy boldy.
«Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygy ösdürmek» atly halkara maslahatyň Jemleýji resminamasy
Birleşen Milletler Guramasynyň Tertipnamasynyň maksatlaryna we ýörelgelerine, şol sanda adam hukuklaryna hormat goýulmagyna, erkekler bilen zenanlaryň deňhukuklylygyna, ählumumy howpsuzlygyň, ösüşiň üpjün edilmegine ygrarlydygymyzy tassyklap,
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.