Aşgabat şäher telefon ulgamy hyzmatlarynyň gerimini giňeldýär
05-07-21
Täze oýlap tapylmalar, ylmy-tehniki açyşlar netijesinde ilki bada ýönekeý ses ýa-da tekst görnüşinde ýerine ýetirilen aragatnaşyk hyzmatlaryna häzirki wagtda düýpgöter başga, ýokary talaplar we islegler bildirilýär.
Ylmy-tehniki rewolýusiýanyň öňe gidişligi netijesinde günsaýyn ösýän, özgerýän, dürli görnüşlere we usulýetlere eýe bolýan aragatnaşyk hyzmatlaryny ýerine ýetirmekde dünýäniň telekommunikasiýa ulgamynyň tehniki bilermenleri bir belli netijä geldiler.
Häzirki wagtdaky telekommuniasiýa isleglerini kanagatlandyrmak, aragatnaşyk hyzmatlaryny ýerine ýetirmegiň dünýä bazaryndaky täjirçilik bäsdeşlige ynamly gatnaşmak üçin müşderi bilen opertoryň aralygynda örän giň tehniki mümkinçilikli, daşky täsir ediji päsgelçiliklere durnukly, şol bir wagtda uzak ulanyş möhletli, tehniki-ykdysady taýdan tygşytly we amatly birikdiriji maglumat geçiriş ulgamy zerur bolup durýar. Öň belläp geçişimiz ýaly, häzirki wagtda bar bolan şeýle maglumat geçiriji ulgamlaryň arasynda optiki-süýümli aragatnaşyk torlary özleriniň ýokary görkezijileri we amatlyklary bilen tapawutlanýar.
Hormatly Prezidentimiziň ýurdumyzyň ykdysadyýetini mundan beýläk hem pajarlap ösmegi üçin sanly ulgamlary giňden ornaşdymak we bu ugurdan dünýä tejribesini biziň ýurdumyzda özleşdirmek barada berýän anyk tabşyryklaryndan ugur alyp, AŞTU paýtagtymyzyň telekommunikasiýa infrastrukturasyny ösdürmekde optiki-süýümli, şol sanda GPON görnüşindäki maglumat geçiriş torlaryny gurmagyň gerimini ýaýbaňlandyrýar.
Paýtagtymyzyň Abadan etrabynda gurlup ulanmaga tabşyrylan, birinji tapgyrdaky 20 sany 4 gatly 32 öýli, jemi 640 sany hojalyga niýetlenen ýaşaýyş toplumda hem optiki kabelleriň üsti bilen bir bada 3 sany, ýagny telefon aragatnaşygy, Internet we IP telewideniýe hyzmatlaryndan peýdalanmak mümkinçiligi döredildi. Bu ýaşaýyş toplumda optiki kabeller gönüden göni müşderiniň öýüne girizilip, ol ýerde oturdylan ONT (optical networks terminal) müşderi terminallaryna birikdirildi.
Öň belläp geçişimiz ýaly, Hormatly Prezidentimiziň türkmen halkyny bagtyýar, eşretli durmuşda ýaşatmak barada edýän atalyk aladalaryndan ugur alyp hem-de ilaty iň bir häzirki zaman, ýokary hilli aragatnaşyk hyzmatlaryndan peýdalanmagyny elýeterli etmek maksady bilen, AŞTU tarapyndan ONT müşderi terminallary öýlerde muzdsyz şertlerde gurnalýar.
Arkadag şäherinde 5G aragatnaşygy ornaşdyryldy
Arkadagly Gahryman Serdarymyzyň başda durmagynda täze tehnologiýalar, kämil hem akylly serişdeler ýurdumyzyň ähli pudaklaryna giňden ornaşdyrylýar. Öňdebaryjy innowasiýalaryň giňden ornaşdyrylmagy bolsa ýurt ösüşiniň möhüm şerti bolup durýar.
Türkmenistan bilen Russiýa Demirgazyk-Günorta taslamasynda möhüm oruny eýelär
Russiýa we Türkmenistan Demirgazyk — Günorta halkara ulag geçelgesiniň durmuşa geçirilmeginde möhüm orny eýelärler. Bu barada Russiýanyň daşary işler ministri Sergeý Lawrow Aşgabatda çarşenbe güni Türkmenistanyň Prezidenti Serdar Berdimuhamedow bilen geçiren duşuşygynyň netijesinde mälim etdi.
Stambulda Türkmenistanyň eksport harytlarynyň sergisi geçiriler
Türkmenistanyň eksport harytlarynyň sergisi 2025-nji ýylyň 2-5-nji iýuly aralygynda Türkiýäniň Stambul şäherinde geçiriler. Sergi Türkmenistanyň hökümetiniň hem-de degişli döwlet we hususy pudaklarynyň bilelikde guramagynda geçiriler.
Gazagystan Türkmenistana ýük daşamagy artdyrmagy meýilleşdirýär
Gazagystanyň hökümeti Türkmenistan hökümeti bilen ulag, logistika we üstaşyr pudagyndaky strategiki hyzmatdaşlyk baradaky Ylalaşygy tassyklamak baradaky kanunyň taslamasyny taýýarlady.
Türkmenistanyň we Russiýanyň sebitleriniň arasyndaky söwda-ykdysady hyzmatdaşlyk işjeň ösdürilýär
Türkmenistanyň we Russiýanyň sebitleriniň arasyndaky söwda-ykdysady hyzmatdaşlyk işjeň ösdürilip, özara bähbitli mümkinçilikleri açýar. Russiýanyň Astrahan oblasty bilen bilelikdäki täze başlangyçlar bu gatnaşyklaryň güýçli depginde ösdürilýändiginiñ nobatdaky subutnamasyna öwrüldi. Şeýlelikde, köp ýyllyk tejribesi bolan Astrahanyň iri kompaniýasy «Grand Fish» tarapyndan Türkmenistana balyk önümleriniň iberilişi ýola goýulýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.