Türkmenistanda sanly ykdysadyýeti ösdürmek boýunça iş toparynyň mejlisi geçirildi
03-07-21
30-njy iýunda Türkmenistanda sanly ykdysadyýeti ösdürmek boýunça iş toparynyň wideoaragatnaşyk arkaly nobatdaky mejlisi geçirildi.
Mejlisiň dowamynda Hormatly Prezidentimiziň ýurdumyzda sanly ykdysadyýeti ösdürmek boýunça öňde goýan wezipelerini şeýle hem, Türkmenistanda 2019–2025-nji ýyllarda sanly ykdysadyýeti ösdürmegiň Konsepsiýasynda bellenen wezipeleri üstünlikli durmuşa geçirmek boýunça alnyp barylýan işleriň depginini güýçlendirmek boýunça maslahat edildi.
Mundan başga-da, «Türkmenaragatnaşyk» agentligi tarapyndan Türkmenistanda sanly ykdysadyýeti ösdürmek boýunça alnyp barylýan işler şeýle hem, Türkmenistanyň Maliýe ministrligi tarapyndan döwlet hyzmatlarynyň ýeke-täk sanawyny (reýestrini) işläp taýýarlamak we döretmek boýunça alnyp barylýan işler barada hasabatlar diňlendi.
Bulardan başga-da, Türkmenistanda döredilmegi meýilleşdirilýän Pudagara Elektron Maglumat Alyşmak Ulgamy bilen mejlise gatnaşyjylary tanyşdyryldy we başga-da dürli ugurlar boýunça birnäçe meselelere seredildi, olar boýunça degişli ministrlikleriň jogapkär wekilleri çykyş etdiler. Işçi toparyň mejlisiniň dowamynda Türkmenistanda sanly ykdysadyýeti ösdürmegiň geljekki ugurlary ara alnyp maslahatlaşyldy.
Türkmenistan bilen Özbegistan serhetüsti ýük daşamalarynda amallary ýeňilleşdirmegi maslahatlaşdy
Türkmenistan bilen Özbegistan serhetüsti ýük daşamalary üçin wizalary elektron görnüşde resmileşdirmek, töleg amallaryny kämilleşdirmek we “Farap-Alat” serhet geçelgesindäki tertip-düzgünleri ýokarlandyrmak, şeýle hem wagty tygşytlamak üçin nobatlary azaltmak meselelerine garadylar. Bu barada Özbegistanyň Ulag ministrligi penşenbe güni habar berdi.
Türkmenistan bilen Özbegistan göni howa gatnawlaryny dikeltmegi maslahatlaşdy
Türkmenistanyň Özbegistandaky ilçisi Şadurdy Meredow bilen Özbegistanyň ulag-logistika pudagynyň wekilleriniň arasynda geçirilen duşuşykda iki ýurduň arasynda göni howa gatnawlaryny täzeden ýola goýmagyň mümkinçiliklerine garaldy. Bu barada Özbegistanyň Ulag ministrligi penşenbe güni habar berdi.
Türkmenistan YHG-a agza ýurtlary üstaşyr logistika mümkinçilikleri bilen tanyşdyrdy
Türkmen wekiliýeti 12-nji awgustda Ykdysady Hyzmatdaşlyk Guramasyna (YHG) agza ýurtlaryň Söwda-senagat edaralarynyň ýolbaşçylarynyň gatnaşmagynda wideoaragatnaşyk arkaly guralan halkara maslahatynda sebitara arabaglanyşygy üpjün etmekde Türkmenistanyň üstaşyr logistika mümkinçiliklerini tanyşdyrdy. Bu barada Türkmenistanyň Söwda-senagat edarasy penşenbe güni habar berdi.
Aşgabatda ITTC 2026 halkara ulag-logistika forumy we sergisi geçiriler
Aşgabat şäherinde 24–26-njy noýabr aralygynda “Halkara ulag-üstaşyr geçelgeleri: özara arabaglanyşyk we ösüş – ITTC 2026” atly bäşinji Halkara logistika forumy we sergisi geçiriler. Çäre Türkmenistanyň Söwda-senagat edarasynda geçiriler. Bu barada “OGUZ Forum & Expo” habar berýär.
Merkezi Aziýanyň we Azerbaýjanyň ilçileri Transhazar hyzmatdaşlygynyň meselelerine garadylar
Merkezi Aziýa döwletleriniň we Azerbaýjanyň ilçileri 12-nji awgustda Waşingtonda Hazar deňziniň üsti bilen ulag we söwda aragatnaşygyny giňeltmek meseleleri boýunça pikir alyşdylar. Bu barada Türkmenistanyň ABŞ-daky ilçihanasy penşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.