Türkmenistan Russiýanyň üsti bilen 540 müň tonna nebiti eksport eder
29-06-21
2021-nji ýylyň üçünji çärýeginde Türkmenistan Russiýanyň üsti bilen 540 müň tonna nebit eksport eder. Bu barada 2021-nji ýylyň üçünji çärýeginde ediljek Russiýanyň nebit eksportynyň tertibi baradaky resminama salgylanyp, “Interfaks” agentligi duşenbe güni habar berdi.
Habarda bellenilişi ýaly, türkmen nebitiniň eksporty Russiýanyň Gara deňzinde ýerleşýän Noworossiýsk porty arkaly amala aşyrylar. Russiýanyň üsti bilen nebiti üstaşyr geçirmekde Türkmenistan Gazagystandan soňra ikinji ýerde durýar.
Gazagystan 2021-nji ýylyň üçünji çärýeginde Russiýanyň üsti bilen Ust-Luga portuna nebitiň üstaşyr daşalmagyny 1 million 700 mün tonnadan 1 million 900 müň tonna çenli artdyrmagy meýilleşdirýär. Noworossiýsk arkaly nebitiň iberilmegini bolsa 2 million 300 müň tonnadan 1 million 800 müň tonna çenli azaltmagy göz öňünde tutýar.
Russiýanyň Noworossiýsk porty arkaly türkmen nebitiniň eksporty 2019-njy ýylyň fewral aýynda gaýtadan başlandy. Şu ýylyň ikinji çärýeginde Türkmenistan Russiýanyň çäginden üstaşyr geçirmek bilen 500 müň tonna nebiti eksport etdi.
https://business.com.tm/tm/post/7222/turkmenistan-russiyanyn-usti-bilen-540-mun-tonna-nebiti-eksport-eder
Türkmenistan bilen Özbegistan serhetüsti ýük daşamalarynda amallary ýeňilleşdirmegi maslahatlaşdy
Türkmenistan bilen Özbegistan serhetüsti ýük daşamalary üçin wizalary elektron görnüşde resmileşdirmek, töleg amallaryny kämilleşdirmek we “Farap-Alat” serhet geçelgesindäki tertip-düzgünleri ýokarlandyrmak, şeýle hem wagty tygşytlamak üçin nobatlary azaltmak meselelerine garadylar. Bu barada Özbegistanyň Ulag ministrligi penşenbe güni habar berdi.
Türkmenistan bilen Özbegistan göni howa gatnawlaryny dikeltmegi maslahatlaşdy
Türkmenistanyň Özbegistandaky ilçisi Şadurdy Meredow bilen Özbegistanyň ulag-logistika pudagynyň wekilleriniň arasynda geçirilen duşuşykda iki ýurduň arasynda göni howa gatnawlaryny täzeden ýola goýmagyň mümkinçiliklerine garaldy. Bu barada Özbegistanyň Ulag ministrligi penşenbe güni habar berdi.
Türkmenistan YHG-a agza ýurtlary üstaşyr logistika mümkinçilikleri bilen tanyşdyrdy
Türkmen wekiliýeti 12-nji awgustda Ykdysady Hyzmatdaşlyk Guramasyna (YHG) agza ýurtlaryň Söwda-senagat edaralarynyň ýolbaşçylarynyň gatnaşmagynda wideoaragatnaşyk arkaly guralan halkara maslahatynda sebitara arabaglanyşygy üpjün etmekde Türkmenistanyň üstaşyr logistika mümkinçiliklerini tanyşdyrdy. Bu barada Türkmenistanyň Söwda-senagat edarasy penşenbe güni habar berdi.
Aşgabatda ITTC 2026 halkara ulag-logistika forumy we sergisi geçiriler
Aşgabat şäherinde 24–26-njy noýabr aralygynda “Halkara ulag-üstaşyr geçelgeleri: özara arabaglanyşyk we ösüş – ITTC 2026” atly bäşinji Halkara logistika forumy we sergisi geçiriler. Çäre Türkmenistanyň Söwda-senagat edarasynda geçiriler. Bu barada “OGUZ Forum & Expo” habar berýär.
Merkezi Aziýanyň we Azerbaýjanyň ilçileri Transhazar hyzmatdaşlygynyň meselelerine garadylar
Merkezi Aziýa döwletleriniň we Azerbaýjanyň ilçileri 12-nji awgustda Waşingtonda Hazar deňziniň üsti bilen ulag we söwda aragatnaşygyny giňeltmek meseleleri boýunça pikir alyşdylar. Bu barada Türkmenistanyň ABŞ-daky ilçihanasy penşenbe güni habar berdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.