PARAHATÇYLYK SÖÝÜJIlikli ÝÖRELGELER
05-06-21
Gahryman Arkadagymyzyň dünýäde giňden ýaýbaňlandyrýan parahatçylyk söýüjilik ýörelgesi häzirki wagtda bütin dünýäde giňden ýaýbaňlanýar. Şu nukdaýnazardan, Türkmenistan döwletimiz dünýäniň nazarynda ýokary tizlikli ösýän, dostlugy pugtalandyrýan ygtybarly ýurt hökmünde tanalýar. Adamzat üçin iň zerur düşünjeler bolup durýan, biri-biri bilen aýrylmaz baglanyşykly parahatçylyk we ynanyşmak ýörelgeleri hyzmatdaşlygyň, ösüşiň baş şertine öwrülýär.
Milli Liderimiziň öňe süren başlangyjynda dünýä jemgyýetçiligi üçin abadançylyk, ösüş we ynsanperwerlik, ruhy kämillik we dostluk, ählumumy howpsuzlyk öz beýanyny tapýar. Ýurdumyz sebitde hoşniýetli goňşuçylyk syýasatyny giňden dabaralandyrmak bilen birlikde, ähli gyzyklanma bildirýän döwletler babatda hem şeýle syýasaty durmuşa geçirýär. Hyzmatdaşlyk gatnaşyklaryny ählumumy abadançylygyň bähbidine gönükdirýär. Bu bolsa döwletimiziň geljekde alyp barjak halkara işleriniň uly üstünliklere beslenjekdigine güwa geçýär.
Häzirki wagtda döwletimiz özüniň daşary syýasatynda baky Bitaraplygyň ykdysady ugurlaryna aýratyn üns berýär. Dürli döwletleriň gatnaşmagynda iri halkara taslamalaryny hödürleýär we amala aşyrýar. Baky Bitarap ýurdumyz özüniň bu hukuk derejesine eýe bolan döwründen bäri onuň ýörelgelerini ygrarlylyk bilen durmuşa geçirýär. Ýurdumyz daşary syýasat ugrunyň esasy hökmünde döwletleriň arasyndaky gatnaşyklarda parahatçylygyň we ynanyşmagyň pugtalandyrylmagyna, durnukly parahatçylyga, raýdaşlyga, ýurtlaryň hem-de halklaryň arasynda gatnaşyklaryň sazlaşygyna ýetmegi maksat edinip, syýasy gepleşikleriň, özara düşünişmegiň, hyzmatdaşlygyň esasynda tagallalary birleşdirmäge aýratyn üns berýär.
Ösüşiň täze belentliklerine barýan baky Bitarap ýurdumyzyň içerki gurluşynyň mäkäm ahlak sütünine daýanýandygynyň, halkymyzyň iň gymmatly häsiýetleriniň dowamatynyň we ýüze çykmagynyň esasy geçen çärýek asyra golaý wagtyň dowamynda durmuşa geçirilen netijeli işlerde açyk-aýdyň görünýär. Parahatçylyk söýüji ýörelgelerine esaslanýan Garaşsyz, baky Bitarap Türkmenistan Birleşen Milletler Guramasy, Ýewropa Bileleşigi, Şanhaý Hyzmatdaşlyk Guramasy, Ýewropada Howpsuzlyk we Hyzmatdaşlyk Guramasy, Yslam Hyzmatdaşlyk Guramasy ýaly dünýäniň abraýly halkara guramalary, şeýle-de köp sanly döwletler bilen syýasy, ykdysady we medeni gatnaşyklary yzygiderli ösdürýär. Muňa aýratyn ähmiýet berýän milli Liderimiziň üçünji müňýyllykda hem dünýäniň köp sanly ösen döwletleriniň arasynda hoşmeýilli, özara bähbitli ynanyşmak derejesindäki gatnaşyklary ýola goýmak boýunça hyzmatdaşlygy üstünlikli alyp barýar.
Gahryman Arkadagymyzyň syýasy başlangyçlary bilen ýurdumyz bütin dünýäniň gyzyklanmasyny gazanandyr. Türkmen döwletini şeýle beýik derejä galdyran hormatly Prezidentimiziň jany sag, belent başy aman bolsun, «Türkmenistan — parahatçylygyň we ynanyşmagyň Watany» ýylynda amala aşyryljak tutumly işleri rowaçlyklara beslensin!
Öwlýäguly SÄHEDOW,
Türkmen döwlet binagärlik-gurluşyk institutynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.