PARAHATÇYLYGYŇ WE YNANYŞMAGYŇ DIÝARY
07-05-21
Parahatçylygyň, ösüşiň we ählumumy abadançylygyň, rowaçlygyň bähbitlerine gönükdirilen beýik başlangyçlary amala aşyrýan baky Bitarap Türkmenistan döwletimiz hormatly Prezidentimiziň baştutanlygynda ynamly gadamlar bilen öňe barýar. Biz muny şany-şöhraty, rysgal-bereketi bilen bagtyýar halkymyzyň kalplarynda orun alýan, Berkarar döwletimiziň bagtyýarlyk döwrüniň taryhyna altyn harplar bilen ýazylýan şowly ýyllarymyzda has aýdyň görýäris.
Taryhyň sahypalaryna altyn harplar bilen ýazylýan şanly 2021-nji ýyl — «Halkara parahatçylyk we ynanyşmak ýylymyz» türkmen jemgyýetinde agzybirligiň we jebisligiň höküm sürmegi, halkymyzyň öz milli Lideriniň töweregine has-da mäkäm jebisleşmegi, ýurdumyzyň mundan beýläk-de kämilleşdirilmegi, demokratik başlangyçlaryň ösdürilmegi, halkymyzyň maddy, ruhy-medeni, taryhy mirasynyň we däp-dessurlarynyň giňden wagyz edilmegi bilen häsiýetlendirilýär.
Bu günki gün parahatçylyk hem dost-doganlyk, ynsanperwerlik, hoşniýetli goňşuçylyk adalgalary hemişelik Bitaraplygymyz bilen bir bütewilige öwrüldi. Çünki türkmen Bitaraplygynyň özeninde halkymyzyň asyrlarboýy özüne nusga edinip gelen beýik ýörelgeleri ýatandyr. Halkymyz sypaýylygyny, myhmansöýerlik däbini ähli döwürlerde saklapdyr. Şonuň üçin biziň ilimizde kiçijik çagadan başlap, ýaşulylara çenli hemmeler «Myhman ataňdan uly» diýen nakyly bilýär we oňa eýerýär.
Aýanlyk, hyzmatdaşlyk etmäge hoşmeýillik, täze zatlary özüne ornaşdyrmaga ymtylyş, parahatçylyk söýüjilik, daşary ýurtlaryň içerki işlerine gatyşmazlyk, meseleler çözülende sabyr-takatlylyk, özgeleriň pikirine sarpa goýmak – bularyň ählisi türkmeniň milli gylyk-häsiýetleriniň esasy alamatlarydyr. Müňýyllyklaryň taryhy tejribesi türkmenlere hoşniýetli gatnaşyklary saklamagy öwretdi. Bu mysallar halkymyzyň asyrlaryň dowamynda kämilleşdirip gelen ýaşaýyş-durmuş kadalarynyň bütin adamzada nusgalykdygyna şaýatlyk etse, hormatly Prezidentimiz tarapyndan mynasyp dowam etdirilýän bu ýörelgeleriň dünýä döwletleri tarapyndan gyzgyn goldanylmagy ynsanperwer syýasatyň adamzadyň geljegi bilen berk baglanyşyklydygynyň subutnamasydyr.
Milli Liderimiziň alyp barýan ýurt bähbitli, tutuş adamzat ähmiýetli belent başlangyçlary rowaçlyklara beslensin!
Maksat IŞANOW,
Türkmen döwlet binagärlik-gurluşyk institutynyň mugallymy.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.