Berkarar döwletimiziň iň uly baýlygy
05-05-21
Ýurdumyzda «Saglyk» Döwlet maksatnamasynyň yzygiderli durmuşa geçirilmegi raýatlarymyza häzirki zaman lukmançylyk hyzmatlaryndan peýdalanmaga giň mümkinçilik döretdi. Saglygy goraýyş ulgamy ösüşiň ýokary derejelerine çykýar. Ilata ýokary hilli bejeriş-öňüni alyş hyzmatlaryny ýola goýmak hem-de raýatlaryň saglygyny we abadançylygyny üpjün etmek, ýaşaýyş-durmuş şertlerini has-da gowulandyrmak boýunça düýpli işler amala aşyrylýar.
Diýarymyzda gurlan we gurulýan häzirki zaman hassahanalary hem-de bejeriş-anyklaýyş merkezleri dünýä ülňülerine laýyk hyzmatlar bilen üpjün edilýär. Paýtagtymyz Aşgabatda dünýä derejesine laýyk gelýän, häzirki zaman enjamlar bilen abzallaşdyrylan birnäçe halkara saglygy goraýyş merkezleri, welaýatlarda gurlan saglygy goraýyş we anyklaýyş merkezleri, «Ene mähri» merkezleri eneleriň we çagalaryň saglygyny goramakda, keseliň öňüni almakda we olary öz wagtynda anyklamakda uly ýardam berýär.
Şol sebäpden ýurdumyzda saglygy goraýyş ulgamy keseli bejermek däl-de, keseliň öňüni almak, keseli döredýän sebäplere täsir etmek netijesinde uly özgerişlere, üstünliklere ýetdi. Muňa mysal bolup, duzy ýodlaşdyrmak bilen adam bedenindäki ýod ýetmezçiligini aradan aýyrmak ýaly işler ýerine ýetirildi we dünýä derejesindäki güwänama eýe boldy. Munuň netijesinde döwletimizde ýod ýetmezçiligi bilen baglanyşykly keselçiligiň çagalaryň boý we akyl taýdan ösüşiniň yza galmagynyň, galkan şekilli mäziň keselçiliginiň we ýod ýetmezçiligi zerarly döreýän dürli keselleriň öňüni almakda ilerlemeler gazanyldy. Ilatyň arasynda hökmany immunologik öňüni alyş sanjymlarynyň ýokary derejeli ýola goýulmagy bilen keselçiligiň derejesi düýpli azaldy.
Hormatly Prezidentimiz: «Ýurduň iň uly baýlygy bolan adamyň saglygyny goramak türkmen döwletiniň öňünde durýan iň möhüm wezipeleriň biridir» diýip belleýär. Sagdynlygyň we bagtyýarlygyň ýurdy diýlip tanalýan Türkmenistan Diýarymyz sagdyn durmuş ýörelgesini, bedenterbiýäni we sporty ýakyn hem-de uzak möhletli geljek üçin ösdürmäge we wagyz etmäge gönükdirilen üstünlikli ädimler boýunça beýleki döwletlere görelde bolup durýar.
Saglygymyzy aýawly saklap, yzygiderli alada etmek biziň her birimiziň borjumyzdyr. Halkymyzyň sagdyn, bagtyýar durmuşda ýaşamagy ugrunda ähli mümkinçilikleri döredip berýän hormatly Prezidentimiziň alyp barýan işleriniň üstünliklere beslenmegini arzuw edýäris!
Atajan BAÝRAMOW,
S.A.Nyýazow adyndaky Türkmen oba hojalyk uniwersitetiniň talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.