Hor­mat­ly Pre­zi­den­ti­mi­ziň taý­syz ta­gal­la­sy ne­ti­je­sin­de gö­zel Di­ýa­ry­myz­da äh­li ugur­lar bi­len bir ha­tar­da mil­li me­de­ni­ýe­ti­miz, sun­ga­ty­myz, mi­ra­sy­myz hem uly ösüş­le­re bes­len­ýär. Mil­li me­de­ni­ýe­ti­mi­ziň, sun­ga­ty­my­zyň Hak Ho­wan­da­ry Gahryman Ar­ka­da­gy­myz «Me­de­ni­ýet hal­kyň kal­by­dyr» at­ly ki­ta­byn­da: «Türk­men hal­ky adam­za­dyň ga­dy­my dö­wür­den bä­ri dün­ýä­niň me­de­ni-ru­hy, yk­dy­sa­dy ösü­şi­ne go­şant go­şan halk­dyr» di­ýip bel­läp geç­ýär. 

Dün­ýä­niň me­de­ni-ru­hy ösü­şi­ne go­şant go­şan şeý­le şah­sy­ýet­le­riň bi­ri hem Mag­tym­gu­ly Py­ra­gy­dyr. Mag­tym­gu­ly­nyň dö­re­di­ji­li­gi ede­bi­ýat, sun­gat bi­len çyn­la­kaý gy­zyk­lan­ýan is­len­dik ada­my özü­ne çek­ýär. Be­ýik Py­ra­gy­nyň şyg­ry­ýe­ti bi­ziň üçin he­mi­şe tä­sin ha­dy­sa bol­ma­gyn­da gal­ýar. Onuň şyg­ry­ýe­ti, umu­man ala­ny­myz­da, aý­ry-aý­ry me­se­le­ler ba­ba­tyn­da hem bi­ziň üçin syr­ly bo­lup gal­ýar. Akyl­dar şa­hy­ry­myz Mag­tym­gu­ly Py­ra­gy çuň­ňur fi­lo­so­fik pi­kir­le­ri bi­len dün­ýä me­de­ni­ýe­ti­ne we ede­bi­ýa­ty­na eg­sil­mez go­şant go­şan be­ýik şah­sy­ýet­dir. Türk­me­niň mil­li me­de­ni­ýe­ti­niň ta­ry­hyn­da Mag­tym­gu­ly­nyň şyg­ry­ýe­ti iň bir mö­hüm or­na eýe­dir. Mag­tym­gu­ly Py­ra­gy­nyň dö­re­di­ji­li­gi äh­li ugur­la­ra ýüz­len­ýär. On­da türk­men te­bi­ga­ty, da­gy-dü­zi, çö­li, der­ýa­sy, türk­me­ne mah­sus bo­lan hä­si­ýet­ler, edep-ek­ram, däp-des­sur­la­ry, ar­wa­na dü­ýe­si, be­dew aty, dost-ýar­lar, wa­tan­çy­lyk we gah­ry­man­çy­lyk, türk­men ge­lin-gyz­la­ry, ag­zy­bir­lik, asu­da­lyk ha­kyn­da we baş­ga-da en­çe­me te­ma özü­niň my­na­syp or­nu­ny tap­ýar.

Ag­zy­bir­lik, asu­da­lyk, je­bis­lik, adam­la­ryň bir sup­ra jem bo­lup, bi­le­le­şip ýa­şa­ma­gy, bi­te­wi döw­let gur­ma­gy ýa­ly pi­kir­ler us­sat şa­hy­ryň şy­gyr­la­ryn­da eriş-ar­gaç bo­lup geç­ýär.

                                                                                      Bir sup­ra­da taý­ýar, ky­lyn­sa aş­lar,
                                                                                      Gö­te­ri­ler ol yk­ba­ly, türk­me­niň 

— di­ýip, da­na şa­hyr Mag­tym­gu­ly Py­ra­gy öz goş­gu­la­ryn­da bi­ziň hä­zir­ki ag­zy­bir, asu­da, aja­ýyp za­ma­na­my­zy ar­zuw edip­dir. Hä­zir­ki dö­wür­de Ar­ka­dag Pre­zi­den­ti­mi­ziň öň­den­gö­rü­ji­lik­li sy­ýa­sa­ty ne­ti­je­sin­de Mag­tym­gu­ly Py­ra­gy­nyň ar­zuw­lan za­ma­na­sy da­ba­ra­lan­ýar, be­ýik öz­gert­me­ler dur­mu­şa ge­çi­ril­ýär. Şol be­ýik öz­gert­me­le­riň bi­ri hem geç­miş mi­ra­sy­my­zy öw­ren­mek, ony gaý­ta­dan di­kelt­mek bo­ýun­ça baş­lan­gyç­lar­dyr. 

Mälim bolşy ýaly, geçen ýyl şahyryň doglan gününiň 300 ýyllygynyň giňden bellenip geçilmegi Berkarar döwletiň täze eýýamynyň Galkynyşy döwründe onuň ynsanperwerlige ýugrulan beýik ýörelgeleriniň bütin adamzadyň gymmatlygy hökmünde ykrar edilýändiginiň ajaýyp subutnamasydyr. Halkymyz geçen asyrlarda hem Magtymgulynyň şygyrlarynda öňe sürülýän paýhasy durmuşyň beýik kanuny  hökmünde diýseň aýawly hem berk tutupdyr. Ony öziniň esasy ýörelgesine öwrüpdir. Magtymgulynyň  öňe süren  ruhy-ahlak garaýyşlary, ýagny  ynsap, päklik, erkinlik, adalatlylyk  ýörelgeleri  türkmen halky  üçin  şu günem  juda gymmatly  bolmagynda  galýar.

Berkarar döwletimizde yglan edilen 2025-nji — Halkara parahatçylyk we ynanyşmak ýylynda türkmen halkynyň hem-de bütin Gündogaryň beýik akyldary we nusgawy şahyry Magtymguly Pyragynyň döredijiligine bagyşlanyp ýurdumyzyň ähli künjeginde birnäçe medeni çäreler geçirildi.. Beýik akyldaryň külli adamzadyň altyn hazynasyna giren edebi mirasyny çuňňur öwrenmek, dünýä jemgyýetçiligine giňden wagyz etmek biziň ählimiziň borjumyzdyr. 

Berkarar döwletiň täze eýýamynyň Galkynyşy döwründe milli we medeni mirasymyzy, akyl­dar şa­hy­ry­my­zy hor­mat­lap ar­şa gal­dy­ran Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!

Azat MERGENOW,
Myrat Garryýew adyndaky Türkmenistanyň Döwlet lukmançylyk uniwersitetiniň Adam anatomiýasy, topografiki anatomiýa we operatiw hirurgiýa kafedrasynyň mugallymy.