Gelse Nowruz äleme...
21-03-25
Baharyň gelmegi bilen türkmen halkynyň arasynda gadymy döwürlerden bäri bellenilip gelinýän Milli bahar baýramy — Halkara Nowruz baýramynyň şowhuny hem bütin töweregi gurşap alýar. Magtymguly Pyragynyň «Gelse Nowruz äleme, reň kylar jahan peýda» diýip, aýdyşy ýaly, tebigat al-elwan güllerden keşde çekilen ýaşyl dona bürenip, gözel görke gelýär.
Gahryman Arkadagymyzyň başlangyçlary bilen Nowruz baýramynyň umumadamzat medeniýetiniň hazynasynda tutýan ornuny ebedileşdirmek, dünýä halklarynyň medeniýetleriniň dürli-dürlüligini gorap saklamak hem-de onuň umumadamzat bähbitli taraplaryny dünýä ýaýmak maksady bilen, 2009-njy ýylyň 30-njy sentýabrynda 24 döwletiň goldamagynda Nowruz baýramy ÝUNESKO-nyň Adamzadyň maddy däl medeni mirasynyň sanawyna girizildi. Milli bahar baýramy halkymyzyň hoşniýetliligini, kalbynyň giňligini we jomartlygyny görkezýän, onuň dünýägaraýşyny kemala getirýän ajaýyp many-mazmuna eýe bolan baýramdyr.
2010-njy ýylyň fewral aýynda BMG-niň 64-nji mejlisinde her ýylyň 21-nji martyny Halkara Nowruz güni diýip bellemek hakynda ýörite Rezolýusiýa kabul edildi. Bu baýram halkara derejä eýe bolan gününden bäri halklary doganlaşdyrýan, hoşniýetliligiň beýik ýörelgeleriniň baýramy hökmünde bellenilýär.
Bu barada hormatly Prezidentimiz: «Nowruz baýramy halklaryň arasynda özara düşünişmäge, birek-birege hormat goýmaga we agzybirligi berkitmäge ýardam berýär. Şoňa görä-de, bu gadymy baýramy halkymyz ýakyn goňşulary bilen hoşniýetli gatnaşmak, parahatçylyk we ynsanperwerlik ýörelgelerini ösdürmek baradaky asylly däpleri mynasyp dowam edip, agzybirlikde we jebislikde garşy alýar» diýip, halkalaryň ynsanperwer we hoşniýetli gatnaşyklarynda Halkara Nowruz baýramçylygynyň uly ähmiýete eýedigini nygtaýar. Hakykatdanam, her dürli milli tagamlar bilen bezelen saçaklaryň giňden açylmagy, birek-biregiňkä myhmançylyga gelinmegi ynsanlaryň arasyndaky mähribanlygy, hormat-sarpany artdyrýar. Ýakyn-ýat bilen dost-doganlykly gatnaşmak bolsa, biziň halkymyzyň esasy ýörelgeleriniň biridir.
Milli bahar baýramy — Halkara Nowruz baýramynyň gadamlary batly bolsun, türkmen halkyna çäksiz bagt, döwletli döwranlary baky eçilsin! Nowruz biziň öýlerimize rysgal-döwlet, kalbymyza şatlyk, ruhumyza täze umytlar getirsin. Goý, halkyny bagtly geljege alyp barýan türkmen halkynyň Milli Lideriniň hem-de Arkadagly Gahryman Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Aýgül HOJAGELDIÝEWA,
Beki Seýtäkow adyndaky Mugallymçylyk mekdebiniň 1-nji ýyl talyby.
Türkmenistan bilen Russiýa Demirgazyk-Günorta taslamasynda möhüm oruny eýelär
Russiýa we Türkmenistan Demirgazyk — Günorta halkara ulag geçelgesiniň durmuşa geçirilmeginde möhüm orny eýelärler. Bu barada Russiýanyň daşary işler ministri Sergeý Lawrow Aşgabatda çarşenbe güni Türkmenistanyň Prezidenti Serdar Berdimuhamedow bilen geçiren duşuşygynyň netijesinde mälim etdi.
Stambulda Türkmenistanyň eksport harytlarynyň sergisi geçiriler
Türkmenistanyň eksport harytlarynyň sergisi 2025-nji ýylyň 2-5-nji iýuly aralygynda Türkiýäniň Stambul şäherinde geçiriler. Sergi Türkmenistanyň hökümetiniň hem-de degişli döwlet we hususy pudaklarynyň bilelikde guramagynda geçiriler.
Gazagystan Türkmenistana ýük daşamagy artdyrmagy meýilleşdirýär
Gazagystanyň hökümeti Türkmenistan hökümeti bilen ulag, logistika we üstaşyr pudagyndaky strategiki hyzmatdaşlyk baradaky Ylalaşygy tassyklamak baradaky kanunyň taslamasyny taýýarlady.
Türkmenistanyň we Russiýanyň sebitleriniň arasyndaky söwda-ykdysady hyzmatdaşlyk işjeň ösdürilýär
Türkmenistanyň we Russiýanyň sebitleriniň arasyndaky söwda-ykdysady hyzmatdaşlyk işjeň ösdürilip, özara bähbitli mümkinçilikleri açýar. Russiýanyň Astrahan oblasty bilen bilelikdäki täze başlangyçlar bu gatnaşyklaryň güýçli depginde ösdürilýändiginiñ nobatdaky subutnamasyna öwrüldi. Şeýlelikde, köp ýyllyk tejribesi bolan Astrahanyň iri kompaniýasy «Grand Fish» tarapyndan Türkmenistana balyk önümleriniň iberilişi ýola goýulýar.
Medeniýet hepdeligi — 2025: bäşinji gün
«Halkara parahatçylyk we ynanyşmak ýyly» şygary astynda geçýän Medeniýet hepdeligi täsirli wakalary bilen oňa gatnaşyjylar we ähli watandaşlarymyz üçin ýatda galyjy baýramçylyga öwrüldi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.